মৰাণ,23 মে’:ক’ভিডৰ দ্ৰুত সংক্ৰমণ ৰোধ কৰিবলৈ ৰাজ্যৰ প্ৰশাসনে বন্ধ কৰি দিলে আন্তঃজিলা যাতায়াত ব্যৱস্থা ৷ ক'ভিডৰ পৰিস্থিতি নিয়ন্ত্ৰণৰ বাবে ৰাজ্যত ঘোষণা কৰা আন্তঃজিলা যাতায়াত বন্ধৰ প্ৰভাৱ ডিব্ৰুগড় জিলাৰ সীমামুৰীয়া অঞ্চলসমূহত পৰিলক্ষিত হৈছে । আনকি অধিক কঠোৰ হৈছে ডিব্ৰুগড় জিলাৰ আৰক্ষী ।
ৰাজ্যত জিলাসমূহৰ ভিতৰত কামৰূপ (ম) ৰ পিছতে ডিব্ৰুগড় জিলাত শেহতীয়াকৈ ক'ভিড পৰিস্থিতি অধিক জটিল হোৱা পৰিলক্ষিত পৰিছে । আংশিক লক ডাউনৰ সময়তো ডিব্ৰুগড় জিলাখনত অত্যাধিক পৰিমাণে বৃদ্ধি পাইছে কৰ'ণাত আক্ৰান্ত হোৱা লোকৰ সংখ্যা ৷ লগতে বৃদ্ধি পাইছে কৰ’ণাত আক্ৰান্ত হৈ মৃত্যু হোৱা লোকৰ সংখ্যাও । যাৰ বাবে এতিয়া অধিক কঠোৰ হৈছে ডিব্ৰুগড় আৰক্ষী ।