মৰাণ, 17 অক্টোবৰ :তিনিচুকীয়াৰ ফিল’বাৰীত প্ৰতিবাদী কাৰ্যসূচীৰ মাজতে এগৰাকী শিক্ষয়িত্ৰীয়ে আঁঠু কাঢ়ি ছাত্ৰ-ছাত্ৰীৰ সমুখত ক্ষমা খোজা পৰিস্থিতিৰ উদ্ভৱ হোৱাৰ পাছতে ৰাজ্যজুৰি তীব্ৰ প্ৰতিক্ৰিয়া সৃষ্টি হৈছিল । এই ঘটনাক লৈ শনিবাৰে ডিব্ৰুগড়ত প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰী সৰ্বানন্দ সোণোৱালে ব্যক্ত প্ৰকাশ কৰে ৷
কেন্দ্ৰীয় মন্ত্ৰীগৰাকীয়ে এগৰাকী শিক্ষকে ছাত্ৰ-ছাত্ৰীৰ সন্মুখত আঁঠু লৈ ক্ষমা খোজাটো অতি দুৰ্ভাগ্যজনক হিচাপে আখ্যা দিছে ৷ সোণোৱালে ভৱিষ্যত দিনত যাতে এনে ঘটনা নহয়, তাৰ বাবে সকলো পক্ষকে লক্ষ্য ৰাখিবলৈ আহ্বান জনায় । তেওঁ শিক্ষক, ছাত্ৰ আৰু অভিভাৱক এই তিনি শক্তিক একেলগ হ'লেহে সুন্দৰ সমাজ নিৰ্মাণ কৰি নতুন প্ৰজন্মক শৈক্ষিক দিশত আগুৱাই নিয়াটো সম্ভৱ হ'ব বুলি মন্তব্য কৰে ।
কেন্দ্ৰীয় মন্ত্ৰী সৰ্বানন্দ সোণোৱাল