Brutal murder at Moran : কুঠাৰেৰে ঘপিয়াই হত্যা লালবাবু আৰু বিৰছাক

মৰাণৰ ডোমৰ দলং চাহ বাগিচাত লোমহৰ্ষক হত্যাকাণ্ড (Brutal murder at Moran) ৷ একেলগে দুজন যুৱকক কুঠাৰেৰে ঘপিয়াই হত্যা ৷ ঘটনা সন্দৰ্ভত আৰক্ষীয়ে আটক কৰে অভিযুক্ত বিশ্বকৰ্মা ঘাটোৱাৰ ওৰফে চুতুক ৷

মৰাণ, 16 মাৰ্চ :মঙলবাৰে মৰাণৰ ডোমৰ দলং চাহ বাগিচাত সংঘটিত হয় এক লোমহৰ্ষক হত্যাকাণ্ড (Brutal murder at Moran) । জানিব পৰা মতে, এজন ব্যক্তিয়ে দুজনকৈ যুৱকক কুঠাৰে ঘপিয়াই হত্যা কৰে ৷ নিহত দুজন যুৱক ক্ৰমে লালবাবু মুণ্ডা (৩৫) আৰু বিৰছা নায়ক (২৩) ৷

আৰক্ষীৰ জালত চুতু

মঙলবাৰে নিশা ডোমৰ দলং চাহ বাগিচাৰ বৰুৱাহোলা ডিভিজনত সংঘটিত এই ঘটনাক কেন্দ্ৰ কৰি নিশাই অঞ্চলটোত সৃষ্টি হয় এক হুলস্থূলীয়া পৰিৱেশৰ ৷ খবৰ দিয়া হয় আৰক্ষীক ৷ এই ঘটনা সন্দৰ্ভত আৰক্ষীয়ে আটক কৰে বিশ্বকৰ্মা ঘাটোৱাৰ ওৰফে চুতুক ৷

জানিব পৰা মতে, চুলাই সেৱন কৰি থকা অৱস্থাত বিশ্বকৰ্মা ঘাটোৱাৰ ওৰফে চুতুৰ সৈতে কাজিয়াৰ সূত্ৰপাত ঘটে লালবাবু মুণ্ডা আৰু বিৰছা নায়কৰ ৷ যাৰ ফলত ক্ৰোধিত হৈ চুতুৱে সংঘটিত কৰে এই ঘটনা ৷

লগতে পঢ়ক :জোনাইৰ মুৰ্কংচেলেক ৰে'ল ষ্টেচনত নৃশংস হত্যাকাণ্ড