বি চি পি এলৰ পৰিচালক সঞ্চালক হিচাপে নিযুক্তি পালে এজন অসমীয়াই

বি চি পি এলৰ পৰিচালক সঞ্চালক হিচাপে যোগদান কৰিছে ৰীপ হাজৰিকাই ৷ ইয়াকে লৈ এতিয়া উৎফুল্লিত হৈ পৰিছে ডিব্ৰুগড়বাসী ৷ দেওবাৰে ডিব্ৰুগড়ৰ হনুমানবক্স সুৰজমল কানৈ মহাবিদ্যালয়ৰ শংকৰদেৱ সভা কক্ষত উষ্ম আদৰণি জনোৱা হয় নৱ নিযুক্ত পৰিচালক সঞ্চালকজনক ৷

ডিব্ৰুগড়,3 ফেব্ৰুৱাৰীঃ ব্ৰহ্মপুত্ৰ ক্ৰেকাৰ আৰু পলিমাৰ লিমিটেড(বি চি পি এল)ৰ প্ৰথমজন অসমীয়া পৰিচালক সঞ্চালক হিচাপে নিযুক্তি পালে ৰীপ হাজৰিকাই ৷ ইয়াকে লৈ এতিয়া উৎফুল্লিত হৈ পৰিছে ডিব্ৰুগড়বাসী ৷ দেওবাৰে ডিব্ৰুগড়ৰ হনুমানবক্স সুৰজমল কানৈ মহাবিদ্যালয়ৰ শংকৰদেৱ সভা কক্ষত উষ্ম আদৰণি জনোৱা হয় নৱ নিযুক্ত পৰিচালক সঞ্চালকজনক ৷ কানৈ মহাবিদ্যালয়ৰ অধক্ষ্য ড৹ শশীকান্ত শইকীয়াৰ নেতৃত্বত মহাবিদ্যালয় খনৰ লগতে বৃহত্তৰ ডিব্ৰুগড় প্ৰেছ ক্লাৱ, ডিব্ৰুগড় সাহিত্য সভাৰ উদ্যোগত অনুষ্ঠিত সম্বৰ্দ্ধনা অনুষ্ঠানত বৃহত্তৰ ডিব্ৰুগড় প্ৰেছ ক্লাৱে অনুষ্ঠানিক ভাৱে স্বাগতম জনাই নৱ নিযুক্তি বিষয়া জনক ৷

উল্লেখ্য যে, দ্বায়িত্বভাৰ গ্ৰহণ কৰিয়েই প্ৰকল্পটোৰ উন্নয়ন আৰু অধিক কাৰ্যক্ষম কৰি তোলাত গুৰুত্ব দিয়া বুলি প্ৰকাশ কৰে নৱ নিযুক্ত পৰিচালক সঞ্চালক ৰীপ হাজৰিকাই ৷ তেখেতে জনায় যে, বছৰি 2.40 লাখ টন পলিমাৰ প্ৰকল্পটোত উৎপাদন কৰা হৈছে আৰু ইয়াক 100% বৃদ্ধিৰ পৰিকল্পনা কৰা হৈছে । উৎপাদিত পলিমাৰৰ দহ শতাংশহে ৰাজ্যত ব্যৱহৃত হয় বাকী ৰাজ্যৰ বাহিৰলৈ গুচি যায় । যদি এই পলিমাৰ অসম তথা উত্তৰ-পূৰ্বাঞ্চলতে থকাকৈ ভটিয়নি উদ্যোগ গঢ় লৈ উঠে তেন্তে স্বাভাৱিকতেই কিছু পৰিমাণে নিবনুৱা সমস্যা দূৰ হ'ব । তেওঁ এই ক্ষেত্ৰত গুৰুত্ব প্ৰদান কৰিব বুলি আশ্বাস প্ৰদান কৰে ৷

লগতে পঢ়ক-বৰ্ণিল সাংস্কৃতিক শোভাযাত্ৰাৰে আদৰি সভাপতিৰ পদ অৰ্পণ কুলধৰ শইকীয়ালৈ