বৰযাত্ৰী কঢ়িয়াই অনা বলেৰ' দুৰ্ঘটনাগ্ৰস্ত , 6 জনৰ মৃত্যু

বৰযাত্ৰী কঢ়িয়াই অনা বলেৰ' দুৰ্ঘটনাগ্ৰস্ত হৈ 6 গৰাকীৰ মৃত্যু ৷ ডিব্ৰুগড় লেপেটকটাত এই ভয়ংকৰ পথ দুৰ্ঘটনা সংঘটিত হৈছে ৷ ৰাষ্ট্ৰীয় ঘাইপথৰ কাষতে ৰখাই থোৱা এখন ট্ৰেইলাৰত খুন্দা মৰাৰ ফলত দুৰ্ঘটনাটো সংঘটিত হয় ৷

ডিব্ৰুগড়, 26 নৱেম্বৰ:ডিব্ৰুগড়ৰ লেপেটকটাত ভয়ংকৰ পথ দুৰ্ঘটনাই একেলগে প্ৰাণ কাঢ়িলে 6 গৰাকীকৈ লোকৰ ৷ বৰযাত্ৰী কঢ়িয়াই অনা এখন বলেৰ' বাহনে 37 নং ৰাষ্ট্ৰীয় ঘাইপথৰ দাঁতিতে ৰখাই থোৱা এখন ট্ৰেইলাৰত খুন্দা মৰাৰ ফলতে দুৰ্ঘটনাটো সংঘটিত হৈ বলেৰ' খনত থকা ছয় গৰাকী লোকৰ মৃ্ত্যু হয় ৷

ধেমাজিৰ পৰা কূটোহা অভিমুখে আহি থকা অৱস্থাত পথ দুৰ্ঘটনাটো সংঘটিত হয় বুলি জানিব পৰা গৈছে ৷ দুৰ্ঘটনাৰ ঠিক পাছ মুহূৰ্ততে যাত্ৰী কেইগৰাকীক অসম চিকিৎসা মহাবিদ্যালয়লৈ লৈ যোৱা হৈছিল যদিও চিকিৎসকে মৃত বুলি ঘোষণা কৰে ।

নিহত লোক কেইগৰাকী দেৱ বৰা, হেম বৰা, মদন বৰা, জীৱক শইকীয়া,প্ৰকাশ দাস, কনপাই ভূঞা বুলি জানিব পৰা গৈছে ৷ নিহত লোক কেইজনৰ ঘৰ ডিব্ৰুগড়ৰ ভগামূৰত বুলি জানিব পৰা গৈছে ৷
লগতে পঢ়ক:ক'ভিড-19ঃ কি কি নতুন নিৰ্দেশনা জাৰি কৰিছে কেন্দ্ৰীয় গৃহ মন্ত্ৰালয়ে ?