মৰাণ, 27 ছেপ্টেম্বৰ:প্ৰধানমন্ত্ৰী নৰেন্দ্ৰ মোডীৰ জন্মদিনৰ লগত সংগতি ৰাখি বিজেপিয়ে অব্যাহত ৰাখিছে সেৱা পষেক কাৰ্যসূচী (BJP celebrates Sewa Pakhwada)। 17 ছেপ্টেম্বৰৰ পৰা 2 অক্টোবৰলৈ এই সেৱা পষেক পালন কৰি আছে বিজেপিয়ে । এই সেৱা পষেকৰ লগত সংগতি ৰাখি গছপুলি ৰোপণ, ৰক্তদান শিবিৰ, স্বাস্থ্য পৰীক্ষা শিবিৰ আদিৰো আয়োজন কৰা হৈছে । অসমৰো বিভিন্ন প্ৰান্তত বিজেপিয়ে বহু কাৰ্যসূচী ৰূপায়ণ কৰিছে । তাৰ অংশস্বৰূপে ডিব্ৰুগড়ত এক আকৰ্ষণীয় অনুষ্ঠানৰ আয়োজন কৰা হয় ।
সেৱা পষেকৰ লগত সংগতি ৰাখি মঙলবাৰে ডিব্ৰুগড়ত মোডীৰ জীৱন দৰ্শন আৰু কাৰ্যক্ৰমনিকা সন্দৰ্ভত এখনি প্রদর্শনী (PM Modis Programme Exhibition at Dibrugarh)অনুষ্ঠিত হয় । ডিব্ৰুগড়ৰ বিজেপি কাৰ্যালয়ত( Exhibition at BJP office of Dibrugarh) অনুষ্ঠিত এই প্ৰদৰ্শনী ডিব্ৰুগড় সমষ্টিৰ বিধায়ক প্ৰশান্ত ফুকনে (MLA Prashant Phukan Inaugurate Exhibition) শুভ উদ্বোধন কৰে । ইফালে, এই অনুষ্ঠানৰ মাজতে MODI@20:DREAM MEET DELIVERY গ্ৰন্থখনিও ডিব্ৰুগড় জিলাৰ বাবে আনুষ্ঠানিকভাৱে উন্মোচন কৰে ডাঃ নিৰ্মল চাহেৱালাই ।