টিংখাং, ৯ মাৰ্চ: নিৰ্বাচনৰ দিন চমু চাপি অহাৰ লগে লগে সমষ্টিয়ে সমষ্টিয়ে ৰাজনৈতিক দলৰ নেতা-কৰ্মীসকলে অধিক সক্ৰিয়ভাৱে কাম কৰাত ব্যস্ত হৈ পৰিছে । পিছ পৰি ৰোৱা নাই ভাৰতীয় জনতা পাৰ্টী । ডিব্ৰুগড়তো দলীয় কৰ্মীসকলে ৰাইজক আকৰ্ষিত কৰাৰ সুযোগ এৰি দিয়া নাই ।
মঙলবাৰে, জিলাখনৰ ১০৫ নং মাহমৰা সমষ্টিৰ অন্তৰ্গত উদয়পুৰ গাঁও পঞ্চায়তৰ নিৰ্বাচনী কাৰ্যালয় মুকলি কৰা হয় । এই কাৰ্যালয়টো উদ্বোধন কৰে মাহমৰা সমষ্টিৰ বিজেপি বিধায়ক যোগেন মহনে । কাৰ্যালয়টো উদ্বোধনৰ লগত সংগতি ৰাখি আয়োজিত অনুষ্ঠানত ভাৰতীয় জনতা পাৰ্টীৰ নীতি-আদৰ্শৰ প্ৰতি আকৰ্ষিত হৈ অন্য দলৰ বহু সংখ্যক যুৱক-মহিলাই গোৰুৱা দলটোত অনুষ্ঠানিকভাৱে যোগদান কৰে ।