মৰাণ, 1 ফেব্ৰুৱাৰী :কেইটামান দিনৰ পাছতে অসমৰ ৰাইজে বিদ্যুৎ সেৱাক লৈ গৌৰৱ কৰিব পাৰিব ৷ ডিব্ৰুগড়ত উপস্থিত হৈ এই মন্তব্য কৰিলে শক্তিমন্ত্ৰী বিমল বৰাই ৷ লগতে শক্তিমন্ত্ৰীগৰাকীয়ে উল্লেখ কৰে যে, " প্ৰধানমন্ত্ৰীৰ নেতৃত্বত 2016 চনৰ পৰাই অসমৰ প্ৰতিটো পৰিয়ালক বিদ্যুত যোগান ধৰাৰ বাবে অভিযান আৰম্ভ হৈছিল । ইয়াৰ পাছতে 22 লাখ পৰিয়ালক বিদ্যুত যোগান ধৰাৰ বাবে অসম চৰকাৰ সক্ষম হৈছিল । ইয়াৰ পাছতো থাকি যোৱা সকলক কম দিনৰ ভিতৰতেই বিদ্যুত যোগান ধৰিব চৰকাৰে ৷
সোমবাৰে, শক্তিমন্ত্ৰী বিমল বৰাই ডিব্ৰুগড় চহৰৰ চৌকিডিঙিত অৱস্থিত উত্তৰ-পূৱৰ শক্তি খণ্ড উন্নতিকৰণ প্ৰকল্প(NERPSIP)ৰ অধীনত তথা ৱৰ্ল্ড বেংকৰ অনুদানেৰে নিৰ্মিত এম. ভি. এ. চৌকিডিঙ্গীত অৱস্থিত উপ-কেন্দ্ৰৰ শুভ উদ্বোধন কৰি অসমৰ বিদ্যুৎ বিভাগৰ ক্ষেত্ৰত শীঘ্ৰেই বিভিন্ন ব্যৱস্থা গ্ৰহণ কৰা হ'ব বুলি শক্তিমন্ত্ৰীগৰাকীয়ে মন্তব্য কৰে(North Eastern Region Power System Improvement Project) ৷