মৰাণ, ২৪ মাৰ্চ:ৰঙালী বিহুলৈ মাজত মাত্ৰ কেইটিমান সপ্তাহ বাকী । ব'হাগ বিহু বুলি কলেই থাকে বহু পৰম্পৰা বহু ৰীতি (Traditions in Rangali Bihu)। তাৰেই অভিন্ন অংশ মটকসকলৰ চ'তৰ বিহু নমোৱা পৰ্ব । গছৰ তলত মটক জনগোষ্ঠীৰ ডেকা-বয়োজেষ্ঠ সকলে আৰম্ভ কৰিছে চ'তৰ বিহু নমোৱা পৰ্ব ।
মটক জনগোষ্ঠীৰ এখন বিশেষ গাঁও বৰুৱাহোলাত চ'তৰ বিহু নমোৱা পৰম্পৰা
সমগ্ৰ ৰাজ্যতে ৰঙালী বিহুক আদৰাৰ ব্যাপক প্ৰস্তুতি চলি থকাৰ মাজতে চাবুৱাৰ বৰুৱাহোলা গাঁৱত মটক জনগোষ্ঠীৰ লোক সকলৰ মাজত দুৰ্লভ দৃশ্য দেখা পোৱা গ'ল । অসমীয়াৰ বাপতি সাহোন ৰঙালী বিহুটিক আদৰিবলৈ মটক জনগোষ্ঠীৰ লোকসকলে ঐতিহাসিক নিজা ৰীতি-নীতি পৰম্পৰাৰ মাজেৰে চ'তৰ বিহু নমোৱা পৰ্বটি সমাপন কৰে (Bihu rituals of Matak Community)।