ডিব্ৰুগড় , ৮ জানুৱাৰী : ডিব্ৰুগড়ৰ ব্ৰক্ষ্মপুত্ৰ ক্ৰেকাৰ এণ্ড পলিমাৰ লিমিটেডে উদযাপন কৰে প্ৰতিস্থানটোৰ ১৪ সংখ্য়ক প্ৰতিষ্ঠা দিৱস । বিচিপিএল পেট্ৰোকেমিকেল কমপ্লেক্সৰ প্ৰশাসনিক বিল্ডিঙত উদযাপন কৰা হয় এই প্ৰতিষ্ঠা দিৱস । অনুষ্ঠানত মুখ্য় অতিথি হিচাপে উপস্থিত থাকে বিচিপিএলৰ পৰিচালন সঞ্চালক ৰিপ হাজৰিকা । বিশেষ কেক কাটি প্ৰতিষ্ঠা দিৱসৰ মুকলি অনুষ্ঠান আৰম্ভ কৰা হয় । অনুষ্ঠানৰ আদৰণি ভাষণ ৰাখে মহাপ্ৰবন্ধক অচিত দাসে । অনুষ্ঠানৰ লগত সংগতি ৰাখি ১০ বছৰ অতিক্ৰম কৰা বিচিপিএলৰ কেইবাগৰাকী কৰ্মচাৰীক সম্বৰ্ধনা জনোৱা হয় । সমান্তৰালকৈ বিচিপিএল বিশেষ পত্ৰিকা "সৃজন" খন উন্মোচন কৰা হয় অনুষ্ঠানত ।
ইফালে পুৱাৰ ভাগত এক সাংস্কৃতিক শোভাযাত্ৰাৰো আয়োজন কৰা হয় । বিশেষ দিনটোতে প্ৰতিস্থানৰ চৌহদত এটা ইকো হাট মুকলি কৰা হয় ।