লগে ভাগে এসাঁজ খালে টিংখাঙ বাসীয়ে

আঘোণ মানেই পথাৰ ভৰি হাউলি পৰা,সোণগুটি লখিমী চপোৱাৰ সময় ৷ অসমীয়া জাতীয় জীৱনত অপৰিসীম আঘোণৰ মহত্ব ৷

টিংখাঙ, 6 ডিচেম্বৰ: আঘোণ মানেই কৃষকৰ হেঁপাহৰ সময় ৷ আঘোণ মানেই পথাৰ ভৰি হাউলি পৰা,সোণগুটি লখিমী চপোৱাৰ সময় ৷ আঘোণৰ সোণোৱালী পথাৰৰ পৰা সোনগুটি চপোৱাৰ পিছত কৃষক সকলে পালন কৰে ন-খোৱা উৎসৱ | কৃষিজীৱী অসমীয়া ৰাইজৰ এক অন্যতম পৰম্পৰা এই উৎসৱ | আজিও অসমীয়া জাতীয় জীৱনত চহা কৃষকে জীয়াই ৰাখিছে এই ন-খোৱা পৰ্ব ৷

পৰম্পৰাগত ৰীতি-নীতিৰে লগে ভাগে এসাঁজ

এই পৰম্পৰা ৰক্ষা কৰি ডিব্ৰুগড় জিলাৰ টিংখাঙৰ চহৰীকটা টেপৰগুৰী গাঁৱত সোণোৱাল কছাৰী সম্প্ৰদায়ৰ লোকসকলে সমূহীয়াকৈ পালন কৰিলে ন-খোৱা উৎসৱ। পৰম্পৰাগত ৰীতি-নীতিৰে সকলোৱে লগে ভাগে এসাঁজ খালে ন-খোৱা বুলি ৷

লগতে ন-খোৱা পৰ্বৰ মাজতেই সোনোৱাল কছাৰী সকলৰ পৰম্পৰাগত লেচেৰী নৃত্যও পৰিবেশন কৰিলে গাঁৱৰ জীয়ৰীসকলে। এই পৰ্বক লৈ ব্যাপক ব্যস্ততা আৰু উচাহ পৰিলক্ষিত হ'ল অঞ্চলটোত ৷

লগতে পঢ়ক:6 দিনীয়া কাৰ্যসূচীৰে "নলবাৰী গ্ৰন্থমেলা