মৰাণ, 27 মে’ : নতুন প্ৰজন্মৰ প্ৰায় ভাগে উচ্চ শিক্ষা লাভ কৰি চাকৰি বিচাৰি হাবাথুৰি খাই অৱশেষত চাকৰি লাভ নকৰিলে জীৱনটো শেষ নতুবা অন্ধকাৰ বুলি ভাবি লয় । বহুতৰে মাজত নাই আত্মনিৰ্ভৰ হোৱাৰ প্ৰৱণতা । কিন্তু এনে এটা সময়তে মৰাণ বিধানসভা সমষ্টিৰ কাষত অৱস্থিত নিতাইপুখুৰী মফচলীয় সাংবাদিক দীপক বৰাই দেখুৱাইছে স্বনিৰ্ভৰশীলতাৰ নিদৰ্শন ।
দীপক বৰাই সাংবাদিক হিচাপে সেৱা আগবঢ়োৱাৰ সমান্তৰালভাৱে শাক পাচলিৰ খেতি কৰি বহুতৰ বাবে আদৰ্শ হৈ পৰিছে । কৰ'ণা মহামাৰীৰ ফলত ৰাজ্যত কম বেছি পৰিমাণে সকলো ব্যক্তিয়েই ক্ষতিগ্ৰস্ত হৈছে । বাদ পৰি ৰোৱা নাই সাংবাদিক সকলো । সেয়েহে বাৰীৰ শাক-পাচলি বিক্ৰী কৰি জীৱন ধাৰণ কৰা সাংবাদিক দীপক বৰাই ভোট জলকীয়া, ভেণ্ডি, দাংবডী, তিয়ঁহৰ খেতি কৰি বৰ্তমান সময়ত লাভান্বিত হোৱা বুলি জানিবলৈ দিছে । দীপক বৰাৰ এনে কাৰ্যই বহুতৰ বাবে আদৰ্শ হৈ পৰিছে ।
লগতে পঢ়ক : ক'ভিড সেৱা কেন্দ্ৰৰ জৰিয়তে ক'ভিডাক্ৰান্তক সহায় সাংসদ প্ৰদ্যুৎ বৰদলৈৰ
