মৰাণ, ২৮ মে': সমগ্ৰ ৰাজ্য মহমাৰী কৰ'ণাৰ গ্ৰাসত । চৌদিশে মাথো কৰ'ণাৰ সংহাৰ । কৰ'ণাৰ এই সংহাৰৰ মাজতে মাজতে ডিব্ৰুগড়বাসীৰ বাবে এক সুখবৰ । শুকুৰবাৰে ডিব্ৰুগড় জিলাৰ উপায়ুক্ত কাৰ্যালয়ৰ সভাকক্ষত এয়াৰপোৰ্ট অথৰিটি অৱ ইণ্ডিয়া আৰু ডিব্ৰুগড় জিলা প্ৰশাসনৰ মাজত এক বুজাবুজি চুক্তি (MoU) স্বাক্ষৰিত হয় ।
ইয়াৰ জৰিয়তে এয়াৰপোৰ্ট অথৰিটি অৱ ইণ্ডিয়াই ডিব্ৰুগড় জিলা প্ৰশাসনক দুখনকৈ এম্বুলেঞ্চ প্ৰদান কৰিব । এই বুজাবুজিৰ চুক্তিত স্বাক্ষৰ প্ৰদান কৰে ডিব্ৰুগড় জিলা উপায়ুক্ত পল্লৱ গোপাল ঝা আৰু ডিব্ৰুগড় বিমানবন্দৰৰ সঞ্চালক সঞ্জীৱ কুমাৰ গাৰ্গে । এই সভাত অতিৰিক্ত উপায়ুক্ত ৰাজীৱ থাপা আৰু স্বাস্থ্য বিভাগৰ যুটীয়া সঞ্চালকো উপস্থিত থাকে ।