মৰাণ, 27 এপ্ৰিল :চুমিলা ৰংহাংপীৰ হত্যাকণ্ডক লৈ ৰাজ্যজুৰি প্ৰতিক্ৰিয়া-প্ৰতিবাদ অব্যাহত আছে যদিও এই পৰ্যন্ত কোনো এজন লোকেই সাব্যস্ত হোৱা নাই দোষী হিচাপে ৷ চুমিলা ৰংহাংপীৰ হত্যাৰ ন্যায় বিচাৰি আজি প্ৰতিক্ৰিয়া প্ৰকাশ কৰিছে সদৌ অসম মটক ছাত্ৰ সন্থাই ৷
সংগঠনটোৰ হৈ কেন্দ্রীয় সাঃ সম্পাদক ৰাতুল গগৈয়ে কয়, এই ঘটনাৰ লগত জড়িত সকলক কঠোৰ শাস্তি দিব লাগে । অসমত বহু অপৰাধীয়ে অপৰাধ কৰিও কোনো শাস্তি নোপোৱাকৈ মুকলি আকাশৰ তলত ঘূৰি ফুৰিব পাৰে ৷ যাৰ ফলত দিনক দিনেই এই ধৰণৰ অপৰাধজনিত ঘটনা সমূহ বৃদ্ধি পাই আছে বুলি ক্ষোভ প্ৰকাশ কৰে ৰাতুল গগৈয়ে ৷
চুমিলা ৰংহাংপীৰ ন্যায় বিচাৰিলে সদৌ অসম মটক ছাত্ৰ সন্থাই