বহিঃ ৰাজ্যত কাম কৰিবলৈ গৈ এবছৰে সন্ধান নাই মৰাণৰ ৰাতুল দাসৰ

দৰিদ্ৰতাৰ তাড়নাত পৰি বহিঃৰাজ্যত কাম কৰিবলৈ গৈ এবছৰে সন্ধানহীন হৈ আছে মাহমৰাৰ কাকতিবাৰী থানাৰ অন্তৰ্গত দিৰৈ দেওঘৰীয়া গাঁৱৰ ৰাতুল দাস ৷ ব্যক্তিজনৰ সম্ভেদ পালে 9365345071 আৰু 8638434323 নম্বৰত যোগাযোগ কৰিবলৈ অনুৰোধ পৰিয়ালৰ লোকৰ

ডিব্ৰুগড়, 19 আগষ্টঃ দৰিদ্ৰতাৰ তাড়নাত পৰি বহিঃৰাজ্যত কাম কৰিবলৈ গৈ এবছৰে সন্ধানহীন হৈ আছে মাহমৰাৰ কাকতিবাৰী থানাৰ অন্তৰ্গত দিৰৈ দেওঘৰীয়া গাঁৱৰ ৰাতুল দাস নামৰ এজন ব্যক্তি ৷ ঘটনা অনুসৰি, চেন্নাইত কাম কৰিবৰ বাবে ককৈ আৰন্ধৰা নামৰ এজন লোকে লৈ গৈছিল লৈপিতি আৰন্ধৰা,ৰাতুল দাস আৰু ৰাতুল দাসৰ পুত্ৰ ৰুবুল দাসক । কিন্তু চাৰি দিনৰ পিছত চেন্নাই ৰেল ষ্টেচনৰ পৰাই হঠাৎ অন্তৰ্ধান হৈ পৰে ৰাতুল দাস ৷ লগে লগে পুত্ৰ ৰুবুল দাসে তেওঁলোকৰ লগত যোৱা আন দুজনক পিতৃক বিচাৰিবৰ বাবে বহু অনুৰোধ কৰে যদিও কোনোৱে গুৰুত্ব নিদিলে। পাছত পৰিয়ালৰ লোকে ব্যক্তিজন সন্ধানহীন হোৱাৰ খবৰ পাই কাকতিবাৰী থানাত এজাহাৰ দাখিল কৰে যদিও আৰক্ষীয়ে আজি এবছৰে ব্যক্তিজনৰ সন্ধান উলিয়াবলৈ সক্ষম হোৱা নাই । উপায়ন্তৰ হৈ পৰিয়ালৰ লোকে ব্যক্তিজনৰ সন্ধান বিচাৰি মৰাণ প্ৰেছ ক্লাৱৰ কাষ চাপিছে ৷ কোনো লোকে ব্যক্তিজনৰ সম্ভেদ পালে 9365345071 আৰু 8638434323 নম্বৰত যোগাযোগ কৰিবলৈ অনুৰোধ কৰিছে পৰিয়ালৰ লোকে ৷