ডিব্ৰুগড়,9 জুলাই : অসম চিকিৎসা মহাবিদ্যালয়ত মৃত্যু এগৰাকী কোভিড-19 আক্ৰান্ত ৰোগীৰ ৷ অৱশ্যে ৰোগীৰজনৰ মৃত্যুৰ পাচতহে কোভিড-19 আক্ৰান্ত বুলি জানিব পৰা যায় ৷ ভবেন গগৈ নামৰ ব্যক্তিজন বুধবাৰে অসম চিকিৎসা মহাবিদ্যালয়ত ভৰ্তি হৈছিল । নিমুনিয়াকে ধৰি বিভিন্ন ৰোগত আক্ৰান্ত আছিল ব্যক্তিজন । কিন্তু ভৰ্তি হোৱাৰ মাত্ৰ ছয় ঘণ্টাৰ পাচতে চিকিৎসাধীন অৱস্থাত মৃত্যু হৈছিল ভবেন গগৈৰ । মৃত্যুৰ পাচত স্বাৱ পৰীক্ষাত কোভিড-19 ধৰা পৰে তেখেতৰ। আৰু ইয়াৰ পাছতেই সৃষ্টি হয় তীব্ৰ চাঞ্চল্যৰ ।
আনহাতে তেওঁৰ পৰিয়ালে কোভিড পজিটিভ পোৱাৰ পাচত মৃতদেহ চৰাইদেউলৈ নিবলৈ অমান্তি হোৱাত ডিব্ৰুগড় জিলা প্ৰশাসনে ডিব্ৰুগড়তে সৎকাৰ ব্যৱস্থা কৰে যদিও কোনো স্থান নিৰ্ণয় কৰিব পৰা নাই নিশা পৰ্যন্ত ।
অসম চিকিৎসা মহাবিদ্যালয়ত কোভিড-19 আক্ৰান্তৰ মৃত্যু