গা ধুবলৈ গৈ সলিল সমাধি ঘটিল এজন কিশোৰৰ

দুলীয়াজানৰ টিপলিং নৈত গা ধুবলৈ গৈ কিশোৰৰ সলিল সমাধি ৷ কিশোৰজন দুলীয়াজানৰে মধুটিং চাহবাগিচাৰ বৰলাইনৰ ৰবি ওৰাঙৰ পুত্ৰ চনো ওৰাং ৷

মৰাণ, 18 জুন :দুলীয়াজানৰ টিপলিং নৈত বৃহস্পতিবাৰে সংঘটিত হৈছে এক শোকাৱহ ঘটনা । নৈত গা ধুবলৈ গৈ কৰুণ মৃত্যুক সাৱতি লয় এজন কিশোৰে । নিহত কিশোৰজন দুলীয়াজানৰে মধুটিং চাহবাগিচাৰ বৰলাইনৰ ৰবি ওৰাঙৰ পুত্ৰ চনো ওৰাং বুলি জানিব পৰা গৈছে ।

উল্লেখযোগ্য যে, আন তিনিগৰাকী সমনীয়াৰ সৈতে টিপলিং নৈৰত গা ধুই থকা অৱস্থাতে নৈৰ বুকুত নিখোজ হয় কিশোৰ জন । পৰৱৰ্তী সময়ত আৰক্ষী আৰু স্থানীয় ৰাইজে নৈৰ বুকুত অভিযান চলাই কিশোৰজনৰ মৃতদেহ উদ্ধাৰ কৰিবলৈ সক্ষম হয় ৷

আনহাতে, আৰক্ষীয়ে উদ্ধাৰ হোৱা মৃতদেহটো মৰণোত্তৰ পৰীক্ষাৰ বাবে ডিব্ৰুগড় অসম চিকিৎসা মহাবিদ্যালয় হাস্পতাল লৈ প্ৰেৰণ কৰে । ইফালে, এই ঘটনাৰ পিছত বৃহত্তৰ দুলীয়াজান অঞ্চলত এতিয়া শোকৰ ছাঁ পৰিছে ।

লগতে পঢ়ক :ৰাজকোষৰ ধন অবৈধ আহৰণ: অভিযুক্ত ত্ৰিপুৰাৰ প্ৰাক্তন ডিজিপি