মৰাণ, 22 ডিচেম্বৰ : প্ৰতিশ্ৰুতি কেঞ্চাৰ এণ্ড পেলিয়েটিভ ট্ৰাষ্টৰ তৃতীয় বাৰ্ষিক প্ৰতিষ্ঠা দিৱস দিনজোৰা কাৰ্যসূচীৰে ডিব্ৰুগড় কানৈ কলেজৰ প্ৰেক্ষাগৃহত অনুষ্ঠিত হয় । অনুষ্ঠানত প্ৰতিদিন টাইমৰ মুখ্য সম্পাদক নিতুমণি শইকীয়াই মুখ্য অতিথি ৰূপে উপস্থিত থকাৰ লগতে প্ৰতিশ্ৰুতিৰ লাইভ এম্বেচেদৰ অভিনেত্ৰী বৰষাৰাণী বিষয়া, ডাঃ গায়ত্ৰী গগৈ উপস্থিত থাকে ।
উল্লেখ্য যে, বিগত তিনি বছৰ ধৰি কেঞ্চাৰ ৰোগী সকলক বিভিন্ন প্ৰকাৰে সেৱা আগবঢ়াই আহিছে প্ৰতিশ্ৰুতি নামৰ সংস্থাটোৱে । কেঞ্চাৰৰ ৰোগত আক্ৰান্ত হোৱা ৰোগী সকলৰ চিকিৎসাৰ লগতে মানসিকভাৱে সৱল কৰি ৰাখিবলৈ বিগত তিনিটা বছৰে এই সংস্থাটোৱে বিশেষভাৱে সেৱা আগবঢ়াই আহিছে ।