মৰাণ, ২৭ নৱেম্বৰ: আজিৰে পৰা ডিব্ৰুগড় জিলাৰ গগন চন্দ্ৰ সমন্বয় ক্ষেত্ৰ হাতীমূৰা ৰাজহুৱা খেল পথাৰত অনুষ্ঠিত হৈছে সোণোৱাল কছাৰী সাহিত্য সভাৰ প্ৰথম দ্বি-বাৰ্ষিক অধিৱেশন(Sonowal Kachari Sahitya Sabha in Dibrugarh)। দুদিনীয়া কাৰ্যসূচীৰে অনুষ্ঠিত হৈছে দ্বি-বাৰ্ষিক অধিৱেশনখন(Sonowal Kachari Sahitya Sabha biennial conference) । অধিৱেশনৰ প্ৰথম দিনৰ কাৰ্যসূচী হিচাপে পুৱা ৮ বজাত গগন চন্দ্ৰ সোণোৱাল সমন্বয় ক্ষেত্ৰৰ মূল দ্বাৰ আৰু ক্ষেত্ৰ উদ্বোধন কৰে সদৌ অসম সোণোৱাল কছাৰী কল্যাণ সংঘৰ সভাপতি ভূবন চন্দ্ৰ বড়াই । লগতে বুলন চন্দ্ৰ সোণোৱাল সোঁৱৰণী মঞ্চ উদ্বোধন কৰে ৠষিকেশ শইকীয়াই ।
আনহাতে, খ্ৰীং খ্ৰীং বাইথ' ক্ষেত্ৰ উদ্বোধন কৰিব মূল মন্দিৰৰ মজিন্দাৰ হেৰেম্ব সোণোৱালে । সোণোৱাল কছাৰী সাহিত্য সভাৰ পতাকা উত্তোলন কৰে সদৌ অসম সোণোৱাল কছাৰী সাহিত্য সভাৰ সভাপতি গুণেশ্বৰ সোণোৱালে আৰু স্মৃতি তৰ্পন কৰে সাহিত্য সভাৰ মুখ্য সম্পাদক শিৱনাথ সোণোৱালে । ইয়াৰ উপৰিও জাতীয় সংহতি স্থাপনত জনগোষ্ঠীয় সাহিত্য সভাৰ ওপৰত বহল বিশ্লেষণ বিষয়ক আলোচনা সভাত মুখ্য আলোচক হিচাপে উপস্থিত থাকিব অসম সাহিত্য সভাৰ প্ৰাক্তন সভাপতি ড৹ নগেন শইকীয়া । উক্ত অনুষ্ঠানতে ৫০ খন গ্ৰন্থ উন্মোচন কৰা হ'ব ।