টিংখাং কোৱাৰেন্টাইন কেন্দ্ৰত ভৰ্তি 13 গৰাকী লোক

সোমবাৰে ডিব্ৰুগড় জিলাৰ টিংখাঙৰ কোৱাৰেন্টাইন কেন্দ্ৰত ভৰ্তি হৈছে তামিলনাডু, চেন্নাই, উত্তৰপ্ৰদেশৰ পৰা অহা মহিলাসহ 13 গৰাকী লোক ৷ ইয়াৰ মাজত আছে টিংখাঙৰ ৰাজগড়ৰ পৰা দিল্লীৰ নিজামুদ্দিনলৈ যোৱা তিনিজন যুৱক ৷

টিংখাং, 26 মে':ৰাজ্যজুৰি ক্ৰমাৎ বৃদ্ধি পাইছে কোভিড-19ত আক্ৰান্তৰ সংখ্যা ৷ তাৰ সমান্তৰালকৈ বহিঃৰাজ্যৰ পৰা অসমলৈ আগমন হাজাৰ হাজাৰ লোকৰ ৷ একেদৰে সোমবাৰে ডিব্ৰুগড় জিলাৰ টিংখাঙৰ কোৱাৰেন্টাইন কেন্দ্ৰত ভৰ্তি হৈছে তামিলনাডু, চেন্নাই, উত্তৰপ্ৰদেশৰ পৰা অহা মহিলাসহ 13গৰাকী লোক ৷ ইয়াৰ মাজত আছে টিংখাঙৰ ৰাজগড়ৰ পৰা দিল্লীৰ নিজামুদ্দিনলৈ যোৱা তিনিজন যুৱক ৷ যুৱককেইজনক নিজামুদ্দিনৰ পৰা উত্তৰ প্ৰদেশলৈ গৈছিল বুলি জানিব পৰা হৈছে ৷ বৰ্তমান অসমলৈ ঘূৰি অহাত শ্ৰীবাঙ্গোৰ উচ্চ মাধ্যমিক বিদ্যালয়ৰ কোৱাৰেন্টাইন কেন্দ্ৰত ৰখা হৈছে তিনিও গৰাকী যুৱকক ৷

উল্লেখ্য যে, টিংখাঙত বৰ্তমান হোম কোৱাৰেন্টাইন হৈ আছে 70 জনৰো অধিক লোক ৷ ইয়াৰ উপৰিও টিংখাঙৰ কেইবাখনো বিদ্যালয়ত সাজু কৰি তোলা হৈছে কোৱাৰেন্টাইন কেন্দ্ৰে ৷ প্ৰশাসনে জনোৱা মতে, টিংখাঙৰ বিভিন্ন প্ৰান্তৰ পৰা গৈ বহিঃৰাজ্যত কৰ্মসূত্ৰে থকা বহু লোক আৰু দুই এদিনৰ ভিতৰতে গৃহ সমষ্টিত প্ৰৱেশ কৰিব । টিংখাঙৰ বিধায়কসহ প্ৰশাসনৰ লোকৰ লগতে আৰক্ষীয়ে বৰ্তমান পৰ্যবেক্ষণ কৰি আছে এই সমূহ কোৱাৰেন্টাইন কেন্দ্ৰ ৷

লগতে পঢ়কঃ কৰ'ণাৰ বিৰুদ্ধে হৰিনামেৰে সজাগতা সৃষ্টি এটি কণমানি কিশোৰৰ