পূৱ বিলাসীপাৰা,30 ডিচেম্বৰ: নতুন কৃষি আইনৰ বিৰোধিতাৰে যুৱ কংগ্ৰেছে সাব্যস্ত কৰা প্ৰতিবাদত আৰক্ষীয়ে বাধা আৰোপ কৰাৰ পাছতে বুধবাৰে চাপৰত এক উত্তপ্ত পৰিস্থিতিৰ সৃষ্টি হয় ৷
জানিব পৰা মতে, নতুন কৃষি আইন বাতিলৰ দাবীৰে বুধবাৰে চাপৰ-শালকোচা ব্লক যুৱ কংগ্ৰেছৰ উদ্যোগত আৰু এনএচইউআইৰ সহযোগত চাপৰত শতাধিক কংগ্ৰেছ আৰু যুৱ কংগ্ৰেছ কৰ্মীয়ে চাপৰস্থিত ৰাজীৱ ভৱনৰ পৰা এক প্ৰতিবাদী জোঁৰ সমদল বাহিৰ কৰিব বিচাৰিছিল ৷ আৰক্ষীয়ে আহি এই জোঁৰ সমদল বাহিৰ কৰাত বাধা প্ৰদান কৰাৰ লগতে যুৱ কংগ্ৰেছীৰ হাতৰ পৰা জোঁৰ কাঢ়ি নিয়াৰ পাছতে আৰক্ষী আৰু প্ৰতিবাদকাৰী সকলৰ মাজত তীব্ৰ বাক-বিতণ্ডাৰ সৃষ্টি হয় আৰু পৰিস্থিতি উত্তপ্ত হৈ পৰে ৷
প্ৰতিবাদকাৰীৰ পৰা আৰক্ষীয়ে জোঁৰ কাঢ়ি নিয়াৰ পাছতে উত্তপ্ত পৰিস্থিতিৰ উদ্ভৱ হয়