বিলাসীপাৰা প্ৰেছ ক্লাবৰ উদ্যোগত বিশ্ব পৰিৱেশ দিৱস উদযাপন

বিশ্ব পৰিৱেশ দিৱস (World Environment Day) উপলক্ষে শনিবাৰে বিলাসীপাৰা প্ৰেছ ক্লাবে ৰূপায়ণ কৰে বিশেষ কাৰ্যসূচী ৷ ইফালে 27 নং পূৱ বিলাসীপাৰা সমষ্টিৰ বিধায়ক ছামচুল হুদাইয়ো বিভিন্ন স্থানত ৰোপন কৰিলে গছপুলি ৷

বিলাসীপাৰা, 5 জুন : বিশ্ব পৰিৱেশ দিৱসটিৰ সৈতে সংগতি ৰাখি শনিবাৰে বিলাসীপাৰা প্ৰেছ ক্লাবতো উদযাপন কৰা হয় পৰিৱেশ দিৱস ৷ সেই উপলক্ষে প্ৰেছ ক্লাব চৌহদত গছপুলি ৰোপন কৰাৰ লগতে জনগণৰ মাজত গছপুলি বিতৰণ কৰে প্ৰেছ ক্লাবৰ সদস্যসকলে ৷ ইফালে পৰিৱেশ দিৱসৰ লগত সংগতি ৰাখি 27 নং পূৱ বিলাসীপাৰা সমষ্টিৰ বিধায়ক ছামচুল হুদাই সমষ্টিটোৰ কবৰস্থান, শ্মশানকে ধৰি বিভিন্ন শিক্ষানুষ্ঠানৰ চৌহদত গছপুলি ৰোপন কৰে ৷

গছপুলি ৰোপন কৰাৰ অন্তত বিধায়কজনে ৰাইজক উদ্দেশ্যি সংবাদ মাধ্যমৰ জৰিয়তে কয় যে, কেৱল পৰিৱেশ দিৱস বুলি গছপুলি ৰোপন কৰিলে নহ’ব, পুলিটোক ভালকৈ লালন-পালনো কৰিব লাগিব ৷ গতিকে গছপুলিটোক লালন পালন কৰিবলৈ সকলোকে আহ্বান জনাইছে বিধায়ক গৰাকীয়ে ৷

লগতে পঢ়কঃমুষলধাৰ বৰষুণত কৃত্ৰিম বানত বুৰিল নলবাৰী চহৰ