ধুবুৰীত ড্ৰাগছসহ আটক এগৰাকী মহিলা

ধুবুৰীৰ বগুলামাৰী অঞ্চলত বৃহস্পতিবাৰে বৃহৎ পৰিমাণৰ নিচাজাতীয় টেবলেটসহ এগৰাকী মহিলাক আটক ৷ এক গোপন তথ্যৰ ভিত্তিত ড্ৰাগছ (drugs) ব্যৱসায়ীৰ ঘৰত অভিযান চলাই ড্ৰাগছ ব্যৱসায়ীৰ পত্নীক আটক কৰে আৰক্ষীয়ে ৷

ধুবুৰী,10 জুন : ধুবুৰীৰ বগুলামাৰী অঞ্চলত অভিযান চলাই বৃহস্পতিবাৰে বৃহৎ পৰিমাণৰ নিচাজাতীয় টেবলেটসহ এগৰাকী মহিলাক আটক কৰে আৰক্ষীয়ে ৷ দীর্ঘদিন ধৰি বগুলামাৰী অঞ্চলৰ ছিদ্দিক আলী নামৰ এজন লোকে নিজ পত্নীৰ সহযোগত ড্ৰাগছ (drugs)ৰ বেহা চলাই আহিছিল । এক গোপন তথ্যৰ ভিত্তিত ধুবুৰী আৰক্ষীৰ এটা দলে ছিদ্দিক আলীৰ ঘৰত অভিযান চলাই জব্দ কৰে বৃহৎ পৰিমাণৰ নিচাজাতীয় জাতীয় টেবলেট ।

অৱশ্যে আৰক্ষীৰ আগমণৰ উমান পাই পলায়ন কৰে ড্ৰাগছ মাফিয়া ছিদ্দিক আলী । ইফানে ড্ৰাগছৰ বেহাৰ সৈতে জড়িত থকাৰ অভিযোগত আৰক্ষীয়ে আটক কৰে ছিদ্দিক আলীৰ পত্নীক আছিয়া বিবিক । উল্লেখ্য যে, জিলাখনত ড্ৰাগছৰ বেহাত নামি পৰিছে একাংশ মহিলা । স্বামী-স্ত্ৰী দুয়ো মিলি উপাৰ্জনৰ পথ হিচাপে ড্ৰাগছৰ বেহা বাছি লোৱা পৰিলক্ষিত হৈছে ৷

লগতে পঢ়ক :ছয়গাঁৱত ১১ টা চোৰাং গৰু জব্দ