পূৱ বিলাসীপাৰা,11 এপ্ৰিল : চাপৰৰ কাজিপাৰা এল.পি স্কুল প্ৰাংগণত বিগত 6 এপ্ৰিলত পথ দুৰ্ঘটনাত নিহত হোৱা প’লিং বিষয়া তথা চাপৰ-শালকোচা শিক্ষাখণ্ডৰ অন্তৰ্গত বৰঘোলা-খাচিঘোলা এল.পি স্কুলৰ শিক্ষক দেৱজিৎ চৌধুৰীৰ আত্মাৰ সদগতিৰ কামনাৰ্থে শনিবাৰে অনুষ্ঠিত কৰা হয় শ্ৰদ্ধাঞ্জলি অনুষ্ঠান ৷ সদৌ অসম চৰকাৰী এপিএছ কৰ্মচাৰী সংস্থা আৰু চাপৰ চক্ৰ প্ৰাথমিক শিক্ষক সন্মিলনীয়ে আয়োজন কৰে এই শ্ৰদ্ধাঞ্জলি অনুষ্ঠানৰ ৷
প্ৰয়াত শিক্ষক দেৱজিৎ চৌধুৰীলৈ শ্ৰদ্ধাঞ্জলি - চাপৰ
বিগত 6 এপ্ৰিলত পথ দুৰ্ঘটনাত নিহত হোৱা বৰঘোলা-খাচিঘোলা এল.পি স্কুলৰ শিক্ষক দেৱজিৎ চৌধুৰীক শনিবাৰে শ্ৰদ্ধাঞ্জলি জ্ঞাপন সদৌ অসম চৰকাৰী এপিএছ কৰ্মচাৰী সংস্থা আৰু চাপৰ চক্ৰ প্ৰাথমিক শিক্ষক সন্মিলনীৰ ৷ শিক্ষক গৰাকীৰ মৃত্যুৰ পাচত প্ৰয়াত দেৱজিৎ চৌধুৰীৰ পৰিয়ালক ক্ষতিপূৰণ দিয়াৰ দাবী শিক্ষক সন্মিলনীৰ ৷
প্ৰয়াত শিক্ষক দেৱজিৎ চৌধুৰীলৈ শ্ৰদ্ধাঞ্জলি
উল্লেখ্য যে, বিলাসীপাৰা মহকুমাত নিজৰ নিৰ্বাচনী কাম সমাপ্ত কৰি বিজনীস্থিত বাসগৃহলৈ গৈ থকা অৱস্থাতে বঙাইগাঁও জিলাৰ হাপাছাৰাত পথ দুৰ্ঘটনাত থিতাতে মৃত্যুক সাৱটি ল’বলগীয়া হৈছিল শিক্ষক গৰাকীয়ে ৷ উক্ত শ্ৰদ্ধাঞ্জলি অনুষ্ঠানত প্ৰয়াত দেৱজিৎ চৌধুৰীৰ পৰিয়ালে পাবলগীয়া খিনি বহন কৰিবলৈ নিৰ্বাচনী আয়োগ তথা অসম চৰকাৰক আহ্বান জনায় সদৌ অসম চৰকাৰী এনপিএছ কৰ্মচাৰী সংস্থা আৰু চাপৰ চক্ৰ প্ৰাথমিক শিক্ষক সন্মিলনীয়ে ৷
লগতে পঢ়ক :শিৱসাগৰ কাৰাগাৰত ফেন প্ৰদান