ধুবুৰী , 24 জানুৱাৰী :আগন্তক গণৰাজ্য দিৱসৰ প্ৰাকক্ষণত ধুবুৰী আৰক্ষীয়ে নিয়মীয়া তালাচি অব্যাহত ৰখাৰ সময়তে সংঘটিত হয় অনাকাংশিত ঘটনা ৷ বৃহস্পতিবাৰে নিশা গোপন খবৰৰ ভিত্তিত ধুবুৰী ৰে'লৱে ষ্টেচনৰ কাষত নিচাজাতীয় ঔষধ বিক্ৰী হৈ থকাৰ তথ্য লাভ কৰে আৰক্ষীয়ে । লগে লগে ঘটনাস্থলীত আৰক্ষী উপস্থিত হোৱাত ছয় সাত জনীয়া এটা দল পলাই যাবলৈ সক্ষম হয় যদিও দলৰ মাজৰে এজন যুৱকে ৰে'ল ষ্টেচনৰ কাষৰ এটা পুখুৰীত জাঁপ দিয়ে ।
বৃহস্পতিবাৰৰ নিশা ধুবুৰীত উত্তপ্ত পৰিস্থিতি প্ৰায় এঘণ্টাৰ অন্তত আৰক্ষীয়ে পুখুৰীটোত নাৱেৰে অভিযান চালাই যুৱকজনক মুমূৰ্ষ অৱস্থাত উদ্ধাৰ কৰি ধুবুৰী অসামৰিক চিকিৎসালয়লৈ প্ৰেৰণ কৰে যদিও যুৱকজনক চিকিৎসকে মৃত বুলি ঘোষণা কৰে । মৃত যুৱক জনক ইন্দিৰা গান্ধী পথৰ 14 নম্বৰ ৱাৰ্ডৰ মোনা হুচেইন বুলি চিনাক্ত কৰিছে আৰক্ষীয়ে ৷ ঘটনাক কেন্দ্ৰ কৰি একাংশ লোকে চহৰখনত উত্তপ্ত পৰিস্থিতিৰ সৃষ্টি কৰে যদিও আৰক্ষীয়ে উত্তেজিত লোক সকলক ছত্ৰভংগ দিয়াবলৈ সক্ষম হয় ৷
আৰু পঢ়ক : প্ৰতিবাদত নামিল ধুবুৰী প্ৰশাসনিক কৰ্মচাৰী সন্থা
