ধুবুৰীৰ বিলাসীপাৰাত চোৰে লুটিলে ধন-সোণ

পৰিয়ালটোৱে জনোৱা অনুসৰি চোৰে নগদ 75 হাজাৰ টকাৰ লগতে বহু পৰিমাণৰ সোণ-ৰূপৰ আ-অলংকাৰ লুটি লৈ যায়।

ধুবুৰী, ৪ মাৰ্চ : ধুবুৰীৰ বিলাসীপাৰাত দেওবাৰে চোৰে লুটিলে নগদ ধনসহ আ-অলংকাৰ ।

বিলাসীপাৰা চহৰৰ ৬ নং ৱাৰ্ড মেধীৰঝাৰস্থিত ছামছুল হক নামৰ লোকজনৰ ঘৰত কোনো নথকা অৱস্থাত চোৰে চাফাই অভিযান চলায় । চোৰে তলা ভাঙি ঘৰৰ ভিতৰত প্ৰৱেশ কৰে । পৰিয়ালটোৱে জনোৱা অনুসৰি চোৰে নগদ ৭৫ হাজাৰ টকাৰ লগতে বহু পৰিমাণৰ সোণ-ৰূপৰ আ-অলংকাৰ লুটি লৈ যায় । পৰৱৰ্তী সময়ত ঘটনাস্থলীত আৰক্ষী উপস্থিত হৈ তদন্ত আৰম্ভ কৰে যদিও ঘটনাৰ কোনো শুংসূত্ৰ উলিয়াবলৈ সক্ষম হোৱা নাই ।