পূৱ বিলাসীপাৰা,৪ আগষ্ট:ধুবুৰী জিলাৰ পূৱ বিলাসীপাৰাত দীৰ্ঘদিনে বন বিভাগৰ অজ্ঞাতে চলি আহিছিল চেগুণ কাঠৰ চোৰাং বেহা ৷ বন বিভাগে গোপন সূত্ৰৰ তথ্যৰ ভিত্তিত এই খবৰ লাভ কৰাৰ পিছতে চলাই এক অভিযান ৷ পূৱ বিলাসীপাৰাৰ অন্তৰ্গত চাপৰৰ মাজেৰগাঁৱত বন বিভাগে অভিযান চলাই জব্দ কৰিবলৈ সক্ষম হয় বৃহৎ পৰিমাণৰ চেগুন কাঠ ৷
উল্লেখ্য যে, মাজেৰগাঁৱৰ ইয়াচুৰ ৰহমান আৰু সহিদুল ইছলামৰ ঘৰত চাপৰৰ চক্ৰ বিষয়া আৰু বহলপুৰ আঞ্চলিক বন বিষয়াই যৌথ অভিযান চলাই জব্দ কৰিবলৈ সক্ষম হয় উক্ত কাঠখিনি ৷ অভিযানকাৰী দলটোৱে জব্দ কৰা কাঠখিনিৰ মূল্য প্ৰায় ডেৰ লক্ষাধিক টকা হোৱাৰ কথা প্ৰকাশ কৰে বন বিষয়াগৰাকীয়ে ৷ জব্দ কৃত কাঠখিনি সম্প্ৰতি বহলপুৰ আঞ্চলিক বন বিষয়াৰ কাৰ্যালয়ত ৰখা হৈছে ৷
লগতে চাওকঃকাছাৰৰ কাটাখাল ফেৰিঘাটত কুৰুক্ষেত্ৰ যজ্ঞ