মৃত্যুৰ পাচত চাকৰি নিয়মীয়াকৰণ হ’ল সোণালী বাইদেউৰ

ৰাজ্যত শিক্ষক-শিক্ষয়িত্ৰীৰ চাকৰি নিয়মীয়াকৰণ কৰাৰ লগতে বিদ্যালয়সমূহ প্ৰাদেশীকৰণ কৰা হৈছে যদিও এই সুখৰ পৰা বঞ্চিত ধুবুৰীৰ শিক্ষয়িত্ৰী সোণালী মালী ৷ কাৰণ, 2020 চনত আৰ্থিক অনাটনৰ বাবে চিকিৎসাৰ অভাৱত অকাল মৃত্যু হৈছিল শিক্ষয়িত্ৰীগৰাকীৰ ৷

ধুবুৰী,5 ফেব্ৰুৱাৰী : সুদীৰ্ঘ সময় বিনা বেতনে শিক্ষকতা কৰা ৰাজ্যৰ বহু শিক্ষক-শিক্ষয়িত্ৰীৰ চাকৰি নিয়মীয়াকৰণ কৰাৰ লগতে বিদ্যালয়সমূহ প্ৰাদেশীকৰণ হোৱাত সকলোৰে পৰিয়ালত এতিয়া আনন্দৰ জোঁৱাৰ উঠিছে ৷ কিন্তু বিষাদেৰে ভৰি পৰিছে সোণালী বাইদেউৰ বাসগৃহ ৷ চাকৰি নিয়মীয়াকৰণ হ’ল যদিও সোণালী বাইদেউ যে ইহ সংসাৰত নাই ৷

মৃত্যুৰ পাচত চাকৰি নিয়মীয়াকৰণ হ’ল সোণালী বাইদেউৰ

ধুবুৰী জিলাৰ আগমনি শিক্ষা খণ্ডৰ অন্তৰ্গত তামাৰহাটৰ মধ্যপেটলা গাঁৱত শিক্ষাৰ পোহৰ বিলাবলৈ 1990 চনত সোণালী মালী আৰু প্ৰভাৱতী ৰায়ে মধ্যপেটলা অনুসূচিত জাতি প্ৰাথমিক বিদ্যালয় স্থাপন কৰিছিল ৷ সুদীৰ্ঘ দিন ধৰি বিনা বেতনে বিদ্যালয়খনত পাঠদান কৰি আছিল শিক্ষিয়িত্ৰীগৰাকীয়ে ৷

মৃত্যুৰ পাচত চাকৰি নিয়মীয়াকৰণ হ’ল সোণালী বাইদেউৰ

কিন্তু 2020 চনত আৰ্থিক অনাটনৰ বাবে চিকিৎসাৰ অভাৱত সোনালী মালীৰ মৃত্যু হয় ৷ মাত্ৰ কেইটামান মাহৰ বাবেই সোণালী বাইদেউ বঞ্চিত হয় এই সুখ ভোগৰ পৰা ৷

আনহাতে, মৃত্যুৰ পাচতো কেনেকৈ চাকৰি নিয়মীয়াকৰণ সম্ভৱ, সেয়া হৈ পৰিছে এক ৰহস্যৰ বিষয় ৷

লগতে পঢ়ক :অৱশেষত মোহৰ পৰিল এজেপি-ৰাইজৰ দলৰ মিত্ৰতাত