জনিয়া,21 মে’:জনিয়াৰ ৰূপসী উন্নয়ন খণ্ডৰ অন্তৰ্গত টাপেশ্বৰা গাঁও পঞ্চায়তৰ এলেকাধীন বজাৰ সমূহত চেনিটাইজ কৰাৰ নামত উত্থাপন হৈছে ভেকো-ভাওনাৰ অভিযোগ । লক্ষণীয়ভাৱে টাপেশ্বৰা গাঁও পঞ্চায়তৰ সভানেত্ৰী ৰেহেনা খাতুনৰ দায়িত্বত থকা পঞ্চায়তৰ অন্তৰ্গত বজাৰসমূহ চেনিটাইজ কৰাৰ কাম হাতত লয় ৷ কিন্তু চেনিটাইজাৰৰ নামত কেৱল পানীহে স্প্ৰে কৰা হৈছে বুলি এতিয়া অভিযোগ উত্থাপন কৰিছে ৰাইজে ।
টাপেশ্বৰা গাঁও পঞ্চায়তত চেনিটাইজেচনৰ নামত ভেকো-ভাওনা
যি সময়ত কলগাছিয়া অঞ্চলত কৰ'ণা আক্ৰান্তৰ মৃত্যুৱে এক আতংকময় পৰিবেশৰ সৃষ্টি কৰিছে, সেই সময়তে টাপেশ্বৰা গাঁও পঞ্চায়তৰ সভানেত্ৰী ৰেহেনা খাতুন আৰু পঞ্চায়ত সচিব জানি আলমৰ কৰ্ম-কাণ্ডই অঞ্চলটোৰ সচেতন মহলক চিন্তিত কৰি তুলিছে । ৰাইজৰ মুখামুখি হোৱাৰ সৎ সাহস হেৰুৱাই বজাৰসমূহ চেনিটাইজ কৰাৰ সময়চোৱাত পঞ্চায়ত সভানেত্ৰী ৰেহেনা খাতুনৰ লগতে পঞ্চায়তৰ সচিব গৰাকী অনুপস্থিত থাকে ।