গোহালি নে স্বাস্থ্যকেন্দ্ৰ?

স্বাস্থ্যকেন্দ্ৰ নিৰ্মাণ কৰিয়েই দায়িত্ব সামৰিলে চৰকাৰে ৷ গোহালিলৈ পৰ্যবসিত চিকিৎসক কৰ্মচাৰীহীন ধুবুৰীৰ এটা স্বাস্থ্যকেন্দ্ৰ ৷

ধুবুৰী, 22 মাৰ্চঃ গোহালিলৈ পৰিণত ধুবুৰীৰ এটাউপ স্বাস্থ্যকেন্দ্ৰ । ধুবুৰীৰ মাঝেৰচৰ ১১ নং ৰিভাৰ ব্লক অঞ্চলত ২০১৫ চনত নির্মাণ কৰা হৈছিল উপ স্বাস্থ্যকেন্দ্ৰটো । অঞ্চলটোৰ প্ৰায় সহস্ৰাধিক লোকৰ স্বাস্থ্য সেৱাৰ প্ৰতি লক্ষ্য ৰাখিয়েই অসম চৰকাৰৰ স্বাস্থ্য বিভাগৰ তৰফৰ পৰা নির্মাণ কৰা হৈছিল স্বাস্থ্যকেন্দ্ৰটো । কিন্তু বৰ্তমান পৰ্যন্ত উপ স্বাস্থ্যকেন্দ্ৰত ভৰি নথ'লে এজনো নাৰ্চ অথবা চিকিৎসকে । ফলত গোহালিলৈপৰিণত হৈছে উপ স্বাস্থ্যকেন্দ্ৰটো ৷ এফালৰ পৰা জহি-খহি যাবলৈ আৰম্ভ কৰা স্থাস্থ্যকেন্দ্ৰটোত নাৰ্চ -চিকিৎসক নথকাৰ বাবেই সামান্য জ্বৰত আক্ৰান্ত হ'লেও স্থানীয় ৰাইজে যাব লগা হয় ধুবুৰীলৈ ।