বিলাসীপাৰাত দুৰ্নীতিগ্ৰস্ত প্ৰধান শিক্ষকৰ বিৰুদ্ধে প্ৰতিবাদ

বিলাসীপাৰাৰ চৰপাৰা প্ৰিছিনিয়ৰ মাদ্ৰাছাত দুৰ্নীতিগ্ৰস্ত প্ৰধান শিক্ষকৰ বিৰুদ্ধে শিক্ষাৰ্থীয়ে প্ৰতিবাদ সাব্যস্ত কৰে (Students protest against corrupt headmaster in Bilasipara)। স্কুল ইউনিফৰ্ম, ছাত্ৰ বৃত্তি, মধ্যাহ্ন ভোজন সকলো ক্ষেত্ৰতে প্ৰধান শিক্ষকে দুৰ্নীতি সংঘটিত কৰাৰ অভিযোগ । সমগ্ৰ বিষয়টো তদন্তৰ দাবী শিক্ষাৰ্থী আৰু সহকাৰী শিক্ষকৰ ।

বিলাসীপাৰা,২৫ ফেব্ৰুৱাৰী :বিলাসীপাৰাৰ এখন চৰকাৰী বিদ্যালয়ত সংঘটিত হৈছে ব্যাপক দুৰ্নীতি । বিদ্যালৰ প্ৰধান শিক্ষকৰ বিৰুদ্ধে উঠিছে দুৰ্নীতিৰ গুৰুতৰ অভিযোগ । প্ৰধান শিক্ষকৰ বিৰুদ্ধে প্ৰতিবাদ সাব্যস্ত কৰিলে বিদ্যালয়ৰে ছাত্ৰ-ছাত্ৰী আৰু সহকাৰী শিক্ষকে (Students protest against corrupt headmaster in Bilasipara)।

এয়া বিলাসীপাৰা শিক্ষাখণ্ডৰ অন্তৰ্গত চৰপাৰা প্ৰিছিনিয়ৰ মাদ্ৰাছাৰ ঘটনা । মাদ্ৰাছাৰ প্ৰধান শিক্ষক ইব্ৰাহিম আলীৰ বিৰুদ্ধে ব্যাপক দুৰ্নীতি কৰাৰ অভিযোগ উত্থাপন কৰিছে শিক্ষাৰ্থীসকলে । স্কুল ইউনিফৰ্ম, ছাত্ৰ বৃত্তি, মধ্যাহ্ন ভোজন সকলো ক্ষেত্ৰতে প্ৰধান শিক্ষকে দুৰ্নীতি সংঘটিত কৰাৰ অভিযোগ তুলিছে শিক্ষাৰ্থীসকলে । ইফালে দুৰ্নীতি সংঘটিত কৰি দুৰ্নীতিৰ অভিযোগ আন শিক্ষকৰ ওপৰত জাপি দিয়াৰ চেষ্টা কৰিছিল ইব্ৰাহীম আলীয়ে ।

প্ৰধান শিক্ষকৰ এনে কাণ্ড দেখি ক্ষোভিত হৈ পৰিছে শিক্ষাৰ্থী আৰু বাকী শিক্ষকসকল । যাৰ বাবে মাদ্ৰাছা চৌহদত প্ৰধান শিক্ষকৰ বিৰুদ্ধে তীব্ৰ প্ৰতিবাদ সাব্যস্ত কৰে শিক্ষাৰ্থী আৰু সহকাৰী শিক্ষকসকলে । ইউনিফৰ্ম সন্মুখত থৈ প্ৰতিবাদ সাব্যস্ত কৰিলে শিক্ষাৰ্থীসকলে । দুৰ্নীতিগ্ৰস্ত প্ৰধান শিক্ষকৰ বিৰুদ্ধে কঠোৰ পদক্ষেপ গ্ৰহণৰ বাবেও দাবী জনায় শিক্ষাৰ্থীসকলে ।

লগতে পঢ়ক :মাজুলীত কিয় প্ৰতিবাদত বহিল চিত্ৰশিল্পী নীলিম মহন্ত ?