বিলাসীপাৰাত সন্ধানহীন ষষ্ঠ শ্ৰেণীৰ ছাত্ৰ

বিগত দুমাহ ধৰি সন্ধানহীন হৈ আছে ষষ্ঠ শ্ৰেণীৰ ছাত্ৰ নুৰ ইছলাম ৷ ৮ ছেপ্টেম্বৰত পথাৰত গৰু চৰিবলৈ গৈ সন্ধানহীন হৈ পৰে ছাত্ৰজন ৷

বিলাসীপাৰা, 6 নৱেম্বৰঃগৰু চৰাবলৈ গৈ দুমাহ ধৰি সন্ধানহীন হৈ আছে বিলাসীপাৰাৰ ৰাণীগঞ্জৰ এজন ষষ্ঠ শ্ৰেণীৰ ছাত্ৰ ৷ ছাত্ৰ জনৰ নাম নুৰ ইছলাম ৷ ৰাণীগঞ্জৰ মনিপুৰ কলোনী গাঁৱৰ আহিদুল ইছলামআৰু নুৰ জাহান বিবিৰ একমাত্ৰ সন্তান নুৰ ইছলামে 8 চেপ্তেম্বৰত বিদ্যালয়ৰ পৰা আহি পথাৰলৈ গৰু চৰাবলৈ যায় ৷ তাৰ পিছত আৰু ঘৰলৈ উভতি নাহিল ছাত্ৰজন ৷ পৰিয়ালৰ লোকে বহু বিচাৰ খোচাৰ কৰে যদিও ছাত্ৰ জনৰ সন্ধান উলিওৱাত ব্যৰ্থ হয় ৷

ঘটনা সন্দৰ্ভতৰাণীগঞ্জ আৰক্ষী চকীত এখন এজাহাৰো দাখিল কৰিছে পৰিয়ালৰ লোকে | কিন্তু কোনো সন্ধান পোৱা নাই ছাত্ৰজনৰ | কোনো সদাশয় লোকে দৰিদ্ৰ পৰিয়ালটোৰ কিশোৰ ছাত্ৰজনৰ কোনো সম্ভেদ পালে ওচৰৰ আৰক্ষী থানাত যোগাযোগ কৰিবলৈ অথবা 6001580317বা 9101137088ফোন নম্বৰত যোগাযোগ কৰিবলৈ দুৰ্ভগীয়া পৰিয়ালটোৱে অনুৰোধ জনাইছে ৷ সোণালুগুৰী হাই মাদ্ৰছাৰ ষষ্ঠ শ্ৰেণীৰ ছাত্ৰ নুৰ ইছলাম সন্ধানহীন হৈ থকাত কান্দোনত ভাগী পৰিছে পৰিয়ালটো ৷

লগতে চাওকঃ পৰ্যটকৰ বাবে মুকলি কৰা হ'ল পবিতৰা অভয়াৰণ্য