পশ্চিম বিলাসীপাৰা, 1 মে’: শুকুৰবাৰে বিয়লি ভাগত বগৰীবাৰীত আৰক্ষীয়ে জব্দ কৰে গৰু ভৰ্তি এখন কন্টেইনাৰ (ট্ৰাক) ৷ পৰ্বতঝোৰাৰ বগৰীবাৰী আৰক্ষীৰ নিয়মীয়া তালাচী অভিযানত অভিনৱ পন্থাৰে অনা উন্নত জাতৰ ১০ টাকৈ গৰুৰ লগতে ট্ৰাক খনৰ চালক আৰু হেণ্ডিমেন মহম্মদ কামাল, মহম্মদ হাছমিন আটক কৰে আৰক্ষীয়ে । আৰক্ষীয়ে জব্দ কৰা গাড়ী খনৰ নম্বৰ হৈছে UP21CN-5350 ৷
বগৰীবাৰীত জব্দ গৰু ভৰ্তি এখন কন্টেইনাৰ
উল্লেখ্য যে, পশ্চিম বংগ ৰাজ্যৰ পৰা ধুবুৰী জিলাৰ ছাগলীয়া পৰিক্ষণ চকীৰে সঘনে গৰু ভৰ্তি ট্ৰাকখন অনায়াসে বগৰীবাৰীৰ ফালে সৰবৰাবহ হৈ অহাৰ অভিযোগ উত্থাপন হৈ আহিছে । জব্দকৃত গৰু কেইটা বাংলাদেশ লৈ সৰবৰাহ কৰাৰ সন্দেহ প্ৰকাশ কৰিছে স্থানীয় ৰাইজে ।