ধুবুৰীত নিৰ্বাচন কেন্দ্ৰিক কুইজ প্ৰতিযোগিতা

বিভিন্ন শিক্ষানুষ্ঠান মহাবিদ্যালয়ৰ প্ৰায় অৰ্ধ শতাধিক ছাত্ৰ ছাত্ৰীৰ অংশ গ্ৰহণ

ধুবুৰী,১৮মাৰ্চঃ ধুবুৰীত সোমবাৰে নিৰ্বাচন কেন্দ্ৰিক কুইজ প্ৰতিযোগিতা । ধুবুৰী জিলা নিৰ্বাচনী বিষয়াৰ কাৰ্য্যালয়ৰ উদ্যোগত অনুষ্ঠিত হোৱা এই কুইজ প্ৰতিযোগিতাখনত অংশগ্ৰহণ কৰে বিভিন্ন শিক্ষানুষ্ঠান মহাবিদ্যালয়ৰ ছাত্ৰ ছাত্ৰী সকলে । ধুবুৰী ভোলানাথ মহাবিদ্যালয়, বিলাসিপাৰা মহাবিদ্যালয়, গৌৰীপুৰ পি বি কলেজ আৰু চিলাৰায় কলেজ গোলকগঞ্জকে ধৰি ধুবুৰীৰ বিভিন্ন শিক্ষানুষ্ঠান তথা মহাবিদ্যালয়ৰ ছাত্ৰ-ছাত্ৰীসকলে অংশগ্ৰহন কৰে এই বিশেষ প্ৰতিযোগিতাখনত ।

দেশৰ বিভিন্ন দিশ সামৰিলৈ নিৰ্বাচন কেন্দ্ৰিক বহু গুৰুত্বপূৰ্ণ প্ৰশ্নৰে এই কুইজ প্ৰতিযোগিতা অনুষ্ঠিত কৰি নৱ প্ৰজন্মৰ মাজত নিৰ্বাচন প্ৰসংগত বিশেষ ভাবে সজাগতা অনাৰ প্ৰয়াস কৰে । ইফালে এই প্ৰতিযোগিতা অনুষ্ঠানত ই ভি এম যন্ত্ৰৰ জৰিয়তে কি দৰে ভোট প্ৰদান কৰিব পাৰি তাৰো এক প্ৰশিক্ষণ দিয়া হয় ছাত্ৰ ছাত্ৰী সকলক ।