পূৱ বিলাসীপাৰা , ১৫ জানুৱাৰী : পশ্চিম অসমৰ দেশী মুছলমান সকল এটা থলগিৰি জনগোষ্ঠী । অতি সম্প্ৰতি শৈক্ষিক আৰু সাংস্কৃতিক আন্দোলনৰ অংশ হিচাপে জনগোষ্ঠীটোৱে বিগত তিনিবছৰ ধৰি ভোগালী বিহুটিক পুষণা-দোমাসী উৎসৱ হিচাপে পালন কৰি আহিছে । বিগত বৰ্ষৰ দৰে এইবাৰো ধুবুৰী জিলাৰ চাপৰত দেশী জনগোষ্ঠীয় মঞ্চ, অসম বিলাসীপাৰা জিলা আৰু চাপৰ আঞ্চলিক সমিতিয়ে যৌথভাৱে উদযাপন কৰিছে পুষণা উৎসৱ । বিস্তৃত কাৰ্যসূচীৰে মূলতঃ কৃষিৰ লগত জড়িত এই উৎসৱটি বুধবাৰ আৰু বৃহস্পতিবাৰে পালন কৰিছে ৷ কৃষিৰ লগত জড়িত বিভিন্ন পৰম্পৰা এই উৎসৱৰ মাজেৰে দাঙি ধৰিবলৈ প্ৰয়াস কৰিছে বুলি জানিবলৈ দিয়ে আয়োজক সমিতিয়ে ৷
বিলাসীপাৰা চাপৰত পুষণা উৎসৱ উদযাপন