ধুবুৰী,24 মেঃধুবুৰীৰ কোৱাৰেণ্টাইন কেন্দ্ৰত দুৰ্বিসহ জীৱন কটাবলগীয়া হোৱা বুলি গুতুতৰ অভিযোগ কোৱাৰেন্টাইন লোকৰ ৷ অতি নিম্ন মানৰ খাদ্য যোগান ধৰা বুলি অভিযোগ তোলে কোৱাৰেন্টাইন হৈ থকা লোক সকলে ৷
উল্লেখ্য যে ধুবুৰী জিলাৰ মুঠ ১০৫ টা কোৱাৰেণ্টাইন চেণ্টাৰত ১১ হেজাৰতকৈ অধিক লোক কোৱাৰেণ্টাইন কৰি ৰখাৰ ব্যৱস্থা কৰিছে চৰকাৰ প্ৰশাসনে । তাৰ পৰিবৰ্তে কোৱাৰেণ্টাইন কেন্দ্ৰ সমুহত অতি নিম্ন মানৰ খাদ্য যোগান ধৰাৰ অভিযোগ খাদ্য যোগানকাৰী সংস্থাৰ বিৰুদ্ধে । আনহাতে কোৱাৰেণ্টাইন কেন্দ্ৰত দুৰ্বিসহ জীৱন কটাবলগীয়া হোৱা বুলি কোৱাৰেণ্টাইন থকা লোক সকলে অভিযোগ কৰে । তাৰোপৰি যোৱা দুই তিনি দিনৰ পৰা ধাৰাবাহিকভাৱে বৰষুণ হৈ থকাৰ ফলত ধুবুৰীৰ একাংশ কোৱাৰেণ্টাইন চেণ্টাৰত কৃত্ৰিম বানপানীৰ সৃষ্টি হৈছে । বৰষুণৰ পানী কোঠালীৰ ভিতৰলৈ সোমাই যোৱাত নৰক যন্ত্ৰণা ভোগ কৰিব লগীয়া হৈছে কোৱাৰেন্টাইন হৈ থকা লোক সকলে । তাৰোপৰি ইপিনে বৰষুণৰ মাজতেই স্বাস্থ্য পৰীক্ষাৰ বাবে মহিলা সকলে সন্তানক কোলাত লৈ এইদৰে ঘণ্টাৰ পিছত ঘন্টা থিয় হৈ থাকিবলগীয়া হৈছে ৷ যদিও জিলা প্ৰশাসনৰ ফালৰ পৰা এই সকল শিশু তথা মহিলা সকলক বৰষুণৰ পৰা ৰক্ষা পৰিবলৈ কোনো ব্যৱস্থা গ্ৰহণ নকৰাৰ অভিযোগ কৰে । আনহাতে, এনেদৰে বৰষুণৰ মাজত ঘণ্টাৰ পিছত ঘন্টা ৰ'দে বৰষুণে থিয় হৈ থকাৰ ফলত বিভিন্ন ৰোগত আক্ৰান্ত হ'ব বুলি চিন্তিত হৈ পৰিছে একাংশ সচেতন মহল ৷ তাৰোপৰি জিলা প্ৰশাসনৰ এনে গুৰুত্বহীন কৰ্ম কাণ্ডৰ বাবে ইতিমধ্যে তীব্ৰ প্ৰতিক্ৰিয়াৰ সৃষ্টি হৈছে একাংশ সচেতন লোকৰ মাজত ৷
লগতে পঢ়ক-ম্যাদ উকলা মথাউৰিক লৈ শংকিত মাজুলীৰ ৰাইজ