বিলাসীপাৰাত হস্তনিৰ্মিত পিষ্টলসহ পাঁচজাই সজীৱ গুলী উদ্ধাৰঃ এজনক আটক

বিলাসীপাৰাৰ চাপৰৰ ফলিমাৰী দ্বিতীয় খণ্ডত সেনা-আৰক্ষীৰ যৌথ অভিযানত অস্ত্ৰসহ আটক আব্দুল আজিস নামৰ এজন যুৱক ৷ যুৱকজনৰ পৰা উদ্ধাৰ হস্তনিৰ্মিত দুটা পিষ্টল আৰু পাঁচজাই সজীৱ গুলী

বিলাসীপাৰা,4এপ্ৰিলঃধুবুৰীৰ চাপৰৰ ফলিমাৰী দ্বিতীয় খণ্ডত বুধবাৰে নিশা সেনা-আৰক্ষীয়ে এক যৌথ অভিযান চলাই অস্ত্ৰসহ আটক কৰে এজনক ৷ আৰক্ষীৰ হাতত আটক হোৱা যুৱকজনৰ নাম আব্দুল আজিস বুলি আৰক্ষীয়ে জানিবলৈ দিয়ে ৷ ভাৰতীয় সেনাবাহিনীৰ ২৫নং ৰাজপুট ৰেজিমেন্ট তথা চাপৰ আৰক্ষীৰ এই অভিযানত আটক হোৱা যুৱকজনৰ পৰা দুটা হস্তনিৰ্মিত পিষ্টল আৰু পাঁচজাই সক্ৰিয় গুলী উদ্ধাৰ কৰে ৷

সেনাৰ এজাহাৰৰ ভিত্তিত যুৱকজনক চাপৰ আৰক্ষীয়ে গোচৰ ৰুজু কৰি তদন্ত অব্যাহত ৰাখিছে ৷ ইপিনে এই ঘটনাক কেন্দ্ৰ কৰি বৃহস্পতিবাৰে পুৱাই স্থানীয় ৰাইজে চাপৰ থানা ঘেৰাও কৰি যুৱকজনৰ বিৰুদ্ধে ষড়যন্ত্ৰৰ অভিযোগ তুলি বিনাচৰ্তে মুক্তিৰ দাবী জনাই ৷ কিন্তু যুৱকজনৰ পৰা অস্ত্ৰসমূহ উদ্ধাৰ হোৱাৰ বাবে চাপৰ থানাৰ আৰক্ষী বিষয়াই এই সন্দৰ্ভত তদন্ত কৰা হ'ব বুলি জনায় ৷