ক'ভিড-১৯ত আক্ৰান্ত বদৰুদ্দিন আজমলৰ আশু আৰোগ্য কামনাৰে সমূহীয়া দোৱা প্ৰাৰ্থনা

এআইইউডিএফৰ মুৰব্বী প্ৰধান তথা ধুবুৰী সংসদীয় সমষ্টিৰ সাংসদ বদৰুদ্দিন আজমলৰ শৰীৰত ধৰা পৰিছে ক'ভিড-১৯ৰ উপস্থিতি । ক'ভিড-১৯ পজিটিভত আক্ৰান্ত হৈ বৰ্তমান মুম্বাইত চিকিৎসাধীন হৈ আছে সাংসদ গৰাকী । সাংসদ গৰাকীৰ আশু আৰোগ্য কামনাৰে অসমৰ বিভিন্ন প্ৰান্তত দেখা গ'ল সমূহীয়া দোৱা প্ৰাৰ্থনা ।

বিলাসীপাৰা,১৫ জুলাই: ক'ভিড-১৯ ত আক্ৰান্ত হৈছে এআইইউডিএফৰ মুৰব্বী প্ৰধান তথা ধুবুৰী সংসদীয় সমষ্টিৰ সাংসদ বদৰুদ্দিন আজমল । বৰ্তমান মুম্বাইত চিকিৎসাধীন হৈ থকা এইগৰাকী জন প্ৰতিনিধিৰ আশু আৰোগ্য কামনাৰে অসমৰ বিভিন্ন প্ৰান্তত সমূহীয়া দোৱা প্ৰাৰ্থনা কৰা পৰিলক্ষিত হৈছে । সাংসদ গৰাকীৰ আশু আৰোগ্য কামনাৰে বুধবাৰে বিলাসীপাৰাৰ চিৰাকুটাতো অনুষ্ঠিত হয় এক সমূহীয়া দোৱা প্ৰাৰ্থনা ।

বিলাসীপাৰা জিলা জমিয়ত আৰু জিলা এআইইউডিএফৰ উদ্যোগত অনুষ্ঠিত এই প্ৰাৰ্থনা সভাত পবিত্ৰ কোৰাণ পাঠ কৰাৰ অন্তত সাংসদ গৰাকীৰ আশু আৰোগ্য কামনা কৰি শতাধিক লোকে কৰিলে সমূহীয়া দোৱা প্ৰাৰ্থনা ।