বিলাসীপাৰা, 14 এপ্ৰিলঃ লক ডাউনৰ ফলত বহু দৰিদ্ৰ লোকৰ সমান্তৰালকৈ জুৰুলা হৈ পৰিছে সাধাৰণ কৃষিজীৱী লোক । এতিয়া মূৰে কপালে হাত দিবলগীয়া হৈছে কৃষকসকলে । ৰাজ্যৰ বিভিন্ন প্ৰান্তৰ লগতে কৃষি প্ৰধান বিলাসীপাৰাতো কৃষকৰ উৎপাদিত তৰমুজ বৰ্তমান নষ্ট হোৱাৰ পথত । বিলাসীপাৰাৰ 10 নং ৱাৰ্ডৰ বামুণপাৰা হাতীপোতা 2য় খণ্ড গাঁৱৰ একাংশ কৃষকে, বন্ধন বেংকৰ পৰা ঋণ লৈ বিঘাই বিঘাই তৰমুজ খেতি কৰিছিল । কিন্তু লক ডাউনৰ বাবে উৎপাদিত তৰমুজ বিক্ৰী কৰিব নোৱাৰাত এতিয়া খেতিতে পকি গেলিব ধৰিছে তৰমুজ । ফলত বৰ্তমান দিশহাৰা হৈ পৰিছে কৃষক তথা কৃষকৰ পৰিয়ালসমূহ । এই ক্ষেত্ৰত চৰকাৰক উচিত ব্যৱস্থা গ্ৰহণ কৰিবলৈ আহ্বান জনাইছে কোনো ভুক্তভোগী কৃষকসকলে ।
দিশহাৰা হৈ পৰিছে বিলাসীপাৰাৰ তৰমুজ খেতিয়কসকল