গোলকগঞ্জত পশু খাদ্য সহ আটক এজন

গোলকগঞ্জৰ অসম-বংগ সীমান্তবৰ্তী কৈমাৰীৰ নয়া বজাৰত সোমবাৰে বানাক্ৰান্তৰ বাবে চৰকাৰে যোগান ধৰা পশু খাদ্য সহ এজন লোকক আটক কৰে স্থানীয় ৰাইজে ৷

গোলকগঞ্জ, 30 জুলাই: বানপানীত খাদ্যৰ অভাৱত বহু পশুধনৰ মৃত্যু হোৱাৰ বিপৰীতে একাংশই মুনাফা আদাই কৰিছে পশুধনৰ বাবে আবণ্টিত খাদ্য বিক্ৰী কৰি ৷ গোলকগঞ্জৰ অসম-বংগ সীমান্তবৰ্তী কৈমাৰীৰ নয়া বজাৰত সোমবাৰে বানাক্ৰান্তৰ বাবে চৰকাৰে যোগান ধৰা পশু খাদ্য সহ এজন লোকক আটক কৰে স্থানীয় ৰাইজে ৷ পশ্চিমবংগত বিক্ৰীৰ বাবে ই-ৰিক্সাৰে নিয়াৰ সময়তে পশু খাদ্যসহ আটক হয় লোকজন ৷ স্থানীয় ৰাইজে আটক কৰি গতাই দিয়ে ছোটোগুমা আৰক্ষী চকীত | ধৃত ছিদ্দিক নামৰ লোকজনৰ মতে, পশু খাদ্যবোৰ তেঁওক যোগান ধৰিছিল কৈমাৰী গাঁও পঞ্চায়তৰ সদস্য জহিৰুল ইছলাম আৰু খালেদা পাৰভিনে ৷ আৰক্ষীয়ে ঘটনা সন্দৰ্ভত গোচৰ ৰুজু কৰি প্ৰাথমিক তদন্ত আৰম্ভ কৰে যদিও মূল অভিযুক্তক আটক কৰিবলৈ কিমান দূৰ সফল হয় সেয়াহে হ'ব লক্ষনীয় ৷