গোলকগঞ্জত বৃদ্ধা নিৰুদ্দেশ

গোলকগঞ্জত সোমবাৰৰ পৰা নিৰুদ্দেশ ৭১ বছৰীয়া আন্না বিবি নামৰ এগৰাকী বৃদ্ধা । বৃদ্ধাগৰাকীৰ পুত্ৰ মইনুল আলীয়ে ইতিমধ্যে ঘটনা সন্দৰ্ভত গোলকগঞ্জ থানাত এখন এজাহাৰ দাখিল কৰিছে ।

গোলকগঞ্জ,৯ মাৰ্চ:ধুবুৰী জিলাৰ গোলকগঞ্জত বৃদ্ধা নিৰুদ্দেশ । বেংকলৈ যোৱাৰ পিছৰে পৰা নিৰুদ্দেশ হ'ল ৭১ বছৰীয়া এগৰাকী বৃদ্ধা । পশ্চিম কানুৰীৰ আন্না বিবি নামৰ বৃদ্ধাগৰাকী সোমবাৰে গোলকগঞ্জৰ অসম গ্ৰামীণ বিকাশ বেংকলৈ যোৱাৰ পিছৰে পৰা সন্ধানহীন হৈ থকাত এতিয়া চিন্তিত পৰিয়ালৰ লোকসকল ।

পৰিয়ালৰ লোকে বিভিন্ন স্থানত এই সন্দৰ্ভত খবৰ লৈছে যদিও এতিয়ালৈ সন্ধান ওলোৱা নাই বৃদ্ধাগৰাকীৰ । বৃদ্ধাগৰাকীৰ পুত্ৰ মইনুল আলীয়ে ইতিমধ্যে ঘটনা সন্দৰ্ভত গোলকগঞ্জ থানাত এখন এজাহাৰ দাখিল কৰিছে ।

লগতে পঢ়ক:ৰঙিয়াত ফ্লাইং স্কোৱাডৰ অভিযান