ধুবুৰী, 5 জুন: ধুবুৰীত বিজেপিৰ সংবাদমেল ৷ ৰাজ্যসভাৰ সাংসদ পবিত্ৰ মাৰ্ঘেৰিটাই সম্বোধন কৰে এই সংবাদমেল ৷ সংবাদমেলত কেইবাটাও গুৰুত্বপূৰ্ণ বিষয় উপস্থাপন কৰে সাংসদ গৰাকীয়ে ৷ সংবাদমেলত সাংসদগৰাকীয়ে কয় যে, 20 আৰু 21 জুনত ধুবুৰীত দুটাকৈ বিশেষ অনুষ্ঠান অনুষ্ঠীত হ’ব ৷ 20 জুনত ধুবুৰীত অনুষ্ঠিত হ’ব এখন বিশেষ সভা ৷ য’ত হাজাৰ হাজাৰ ৰাইজে অংশগ্ৰহণ কৰাৰ লগতে অংশগ্ৰহণ কৰিব ৰাজ্যিক বিজেপিৰ সভাপতি ভৱেশ কলিতা আৰু ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই ৷ লগতে 21 জুনত ধুবুৰীত ৰাজ্য চৰকাৰে অনুষ্ঠিত কৰিব কেন্দ্ৰীয় যোগ দিৱস (MP Pabitra Margherita Press Meet in Dhubri) ৷
তেওঁ লগতে কয় যে, জনতাক আমি নৰৰূপী নাৰায়ণ ৰূপে গণ্য কৰোঁ; এইয়া ভাৰতীয় জনতা পাৰ্টীৰ সংস্কৃতি ৷ বহুতৰ বাবে জনসাধাৰণ একো একোজন ভোটাৰ, কিন্ত ভাৰতীয় জনতা পাৰ্টীৰ বাবে তেওঁলোক ইশ্বৰ সদৃশ ৷ আৰু তেখেতসকলৰ সেৱাৰ বাবেই বিগত 9টা বছৰ বিজেপি শাসিত কেন্দ্ৰীয় চৰকাৰ লগতে সমান্তৰালভাৱে ৰাজ্য চৰকাৰে যিখিনি কৰিছে সেইখিনি আমি জনসম্পৰ্কৰ জৰিয়তে ৰাইজৰ মাজলৈ লৈ যাম বুলি মন্তব্য কৰে সাংসদ গৰাকীয়ে (MP Pabitra Margherita Press Meet) ৷
সাংসদগৰাকীয়ে আৰু কয় যে, কভিডৰ সময়ত সমগ্ৰ মানৱ জাতি ভীতিগ্ৰস্ত হৈ থকাৰ সময়ত, আনকি বিশ্বৰ উন্নত দেশ সমূহো কভিডৰ ত্ৰাসত ত্ৰস্তমান হৈ থকাৰ সময়ত যিসকল ৰাষ্ট্ৰ নেতাই সমগ্ৰ বিশ্ববাসীক সাহস যোগাইছিল তাৰ ভিতৰত অন্যতম আছিল ভাৰতৰ প্ৰধানমন্ত্ৰী নৰেন্দ্ৰ মোদী ৷ যিকেইখন চৰকাৰে জনগণৰ সৈতে থাকি জনগণক নিৰাপত্তা প্ৰদান কৰিছিল তেনেধৰণৰ এখন চৰকাৰ হ’ল বিজেপি নেতৃত্বাধীন চৰকাৰ ৷ লগতে তেওঁ সেইদিনকেইটাত চৰকাৰে জনসাধাৰণৰ বাবে কি কৰিছিল তাক মনত পেলোৱা উচিত বুলি মন্তব্য কৰে (MP Pabitra Margherita in Dhuburi) ৷