পশ্চিম বিলাসীপাৰা, 4 নৱেম্বৰ :বিলাসীপাৰাত বৃহৎ পৰিমাণৰ ফলা কাঠৰ লগতে ভ্ৰাম্যমান কাঠ ফলা মিল জব্দ ৷ নিশা শালকোচা আৰক্ষী আৰু শালকোচা আঞ্চলিক বন বিভাগৰ অভিযানত কাঠ ফলা মিল সহ ফলা কাঠ খিনি জব্দ হয় ৷
মঙ্গলবাৰে নিশা গোপন তথ্যৰ ভিত্তিত টিলাপাৰাৰ অতি ভিতৰুৱা অঞ্চল চৰুৱাবাখৰত এই অভিযান চলে। অভিযানত আৰক্ষীয়ে কাঠ ফলা মিল আৰু কাঠ সমূহ জব্দ কৰিবলৈ সক্ষম হয় যদিও বন বিভাগ আৰু আৰক্ষী অহাৰ উমান পাই চোৰাং কাঠ ব্যৱসায়ী সকল পলাই সাৰিবলৈ সক্ষম হয় ৷ পৰৱৰ্তী সময়ত কাঠ ফলা মিল সহ চোৰাং কাঠ সমূহ শালকোচা বনাঞ্চলিক কাৰ্যালয়লৈ লৈ যোৱা হয় ৷