ধুবুৰীত সোপা ধৰাৰ আতংক, ৰাইজে ভাঙিলে আৰক্ষীৰ বাহন

ধুবুৰীৰ বিভিন্ন অঞ্চলত বিয়পি পৰিছে সোপা ধৰাৰ আতংক। অন্ধ বিশ্বাসৰ বলি হৈ স্থানীয় ৰাইজে ভাঙিলে আৰক্ষীৰ বাহন। ঘটনাৰ ফলত আহত আৰক্ষী জোৱান প্ৰসেনজিৎ ৰয়

ধুবুৰী, 25 এপ্ৰিলঃ সোপা ধৰাৰ আতংকত ধুবুৰীত বুধবাৰে নিশা সৃষ্টি হয় এক হুলস্থুলীয়া পৰিৱেশৰ। অন্ধ বিশ্বাসৰ বলি হৈ ধুবুৰীৰ ভাৰত বাংলা সীমান্তৰ শৌলমাৰীত এজন যুৱকক সোপা ধৰাৰ সন্দেহত আটক কৰি মাৰপিট কৰে একাংশ ৰাইজে। ঘটনাৰ বিষয়ে জানিব পাৰি ধুবুৰী আৰক্ষীৰ এটা দল উপস্থিত হয় ঘটনাস্থলীত ৷ কিন্তু ৰাইজক সৈমান কৰি যুৱকজনক ধুবুৰী বি এন কলেজ আৰক্ষী চকীলৈ অনাৰ সময়তে আৰক্ষীক বাধা প্ৰদান কৰে একাংশ ৰাইজে। আৰক্ষীৰ বাহনত শিলগুটি নিক্ষেপ কৰাৰ ফলত আহত হয় আৰক্ষীৰ প্ৰসেনজিৎ ৰয় নামৰ জোৱানজন ।

আৰক্ষীয়ে সদৰী কৰা মতে এই খবৰ চ'ছিয়েল মিডিয়াত বিয়পি পৰাৰ লগে লগে আৰক্ষীৰ বাহন খনৰ ওপৰত কেইবাটাও অঞ্চলত আক্ৰমণ কৰা হয় যদিও কথমপি ৰক্ষা পৰে আৰক্ষীৰ দল ।