বিলাসীপাৰাত ভণ্ড কবিৰাজৰ জঘন্য কাণ্ড
বিলাসীপাৰাৰ সন্তেষপুৰ গাঁৱত সংঘটিত হৈছে এই জঘন্য ঘটনা ৷ ভণ্ড কবিৰাজৰ ওচৰত চিকিৎসা ল'বলৈ গৈ অন্ত:সত্তা হল নৱম শ্ৰেণীৰ ছাত্ৰী ৷ ছাত্ৰী গৰাকীক চোকা অস্ত্ৰৰ ভাবুকি প্ৰদান কৰি বলপূৰ্বকভাৱে বলাৎকাৰ কৰি অহাৰ অভিযোগ উঠিছে কবিৰাজ জনৰ বিৰুদ্ধে
বিলাসীপাৰা, 10 ছেপ্তেম্বৰঃ বিলাসীপাৰাৰ সন্তেষপুৰ গাঁৱত সংঘটিত হৈছে এই জঘন্য ঘটনা ৷ ভণ্ড কবিৰাজৰ ওচৰত চিকিৎসা ল'বলৈ গৈ অন্ত:সত্তা হ’ল নৱম শ্ৰেণীৰ ছাত্ৰী৷ ছাত্ৰী গৰাকীক চোকা অস্ত্ৰৰে ভাবুকি প্ৰদান কৰি বলপূৰ্বকভাৱে বলাৎকাৰ কৰি আহাৰ অভিযোগ উঠিছে কবিৰাজ মকৰম আলীৰ বিৰুদ্ধে ৷ টিলাপাৰা হাই স্কুলৰ নৱম শ্ৰেণীৰ ছাত্ৰীগৰাকী পেটৰ বিষত আক্ৰান্ত হোৱাত উপায়ন্তৰ দুৰ্ভগীয়া পৰিয়ালটিয়ে কাষ চাপিছিল কবিৰাজ জনৰ ৷ ভণ্ড কবিৰাজ জনে ছাত্ৰী গৰাকীক জৰা ফুকা কৰি বেমাৰ ভাল কৰি দিয়াৰ দায়িত্ব লয় ৷ কিন্তু কবিৰাজ জনে ছাত্ৰী গৰাকীক চোকা অস্ত্ৰৰে ভয় ভীতি প্ৰদৰ্শন কৰি বহুদিন ধৰি যৌন নিৰ্যাতন চলাই আহিছিল ৷ কবিৰাজৰ ভয়ত বিতত হৈ পৰা নাৱালিকা ছাত্ৰী গৰাকীয়ে নিৰৱে সহি আহিছিল সকলো নিৰ্যাতন ৷ পৰৱৰ্তী সময়ত নাৱালিকা গৰাকীক সোধপোছ কৰাত পোহৰলৈ আহে সকলো ঘটনা ৷ এই কাৰ্যত কবিৰাজ গৰাকীৰ পত্নীয়েও সহযোগ কৰাৰ অভিযোগ পৰিয়ালৰ ৷