পূৱ বিলাসীপাৰা,15 নৱেম্বৰ : বীৰ জোৱান শ্বহীদ হৰধন চন্দ্ৰ ৰায়ৰ বিলাসীপাৰাৰ মেধিপাৰাস্থিত বাসভৱনত দেওবাৰে উপস্থিত হয় ৰাজ্যিক সমাজ কল্যাণ বিভাগৰ মন্ত্ৰী প্ৰমিলা ৰাণী ব্ৰহ্ম ৷ শ্বহীদ জোৱান গৰাকীৰ পৰিয়ালটোৰ মাজত উপস্থিত হৈ আবেগিক হৈ পৰে মন্ত্ৰী ব্ৰহ্ম ৷
মন্ত্ৰী প্ৰমিলা ৰাণী ব্ৰহ্ম
সমগ্ৰ ঘটনাৰ বুজ লোৱাৰ পাচতে মন্ত্ৰী গৰাকীয়ে শ্বহীদ হৰধন চন্দ্ৰ ৰায়ৰ পৰিয়ালক নিজাববীয়াকৈ নগদ দুই লাখ টকা আগবঢ়ায় ৷ আনহাতে মুখ্যমন্ত্ৰীয়ে যদি নিৰ্দেশ দিয়ে, তেতিয়া হ’লে শ্বহীদ পৰিয়ালটোৰ এগৰাকী সদস্যক সমাজ কল্যাণ বিভাগত খালি হৈ থকা কোনো পদত নিযুক্তি দিয়াৰ ব্যৱস্থা গ্ৰহণ কৰিব বুলি তেওঁ সদৰি কৰে ৷