ধুবুৰী , ২১ জানুৱাৰী : সমগ্ৰ ৰাজ্য়ৰ লগতে ধুবুৰীটো সদৌ অসম মধ্যাহ্ন ভোজন কৰ্মচাৰী সন্থাই এক বৃহৎ প্ৰতিবাদী কাৰ্যসূচী ৰূপায়ন কৰে । জিলা প্ৰাথমিক শিক্ষা বিভাগৰ কাৰ্য্যালয়ৰ সন্মুখত চি আই টি ইউৰ সহযোগত ছয় দফীয়া দাবীৰে এই প্ৰতিবাদ সাব্য়স্ত কৰে মধ্যাহ্ন ভোজন কৰ্মচাৰী সন্থাই ।
আগন্তুক কেন্দ্রীয় বাজেটত মধ্যাহ্ন ভােজন কৰ্মীৰ মাননি বৃদ্ধি কৰা, মাননি প্রতিমাহে কমেও ৭,৫০০ টকাকৈ দিয়াৰ ব্য়ৱস্থা কৰা, বছৰটোৰ ১২ মাহৰ বাবেই মাননি দিয়া, বকেয়া মাননি অতিশীঘ্ৰে আদায় দিয়া, মধ্যাহ্ন ভােজন কৰ্মীক শ্ৰমিকৰ মর্যাদা দিয়া, সকলাে কর্মীক মাহিলি ন্যূনতম ২১,০০০ টকাকৈ মজুৰি দিয়া আৰু পেঞ্চন প্ৰদান কৰা আদি কেইবাটাও দাবীৰে প্ৰতিবাদ সাব্য়স্ত কৰে মধ্যাহ্ন ভোজন কৰ্মচাৰী সন্থাই ।