ধুবুৰীত অগ্নিকাণ্ডঃ দুখন দোকান ভস্মীভূত

এই অগ্নিকাণ্ডৰ ফলত পাচঁ লক্ষাধিক টকাৰ সা সামগ্ৰী বিনষ্ট হোৱা বুলি অনুমান কৰা হৈছে ।

ধুবুৰী, 15 ডিচেম্বৰঃ ডেওবাৰে পুৱা ধুবুৰীত এক ভয়ংকৰ অগ্নিকাণ্ড সংঘটিত হয় ৷ ধুবুৰী চহৰৰ এন এচ ৰোডস্থিত'লোকনাথ ষ্টোৰ্চ' নামৰ এখন ব্যৱসায়িক প্ৰতিষ্ঠানত এই অগ্নিকাণ্ড সংঘটিত হয় ৷

তথ্য অনুসৰি ব্যৱসায়িক প্ৰতিষ্ঠানখনৰ পৰা সূত্ৰপাত হোৱা জুইয়ে নিমিষতে দুখনকৈ দোকান সম্পূৰ্ণৰূপে ভস্মীভূত কৰে ৷ এই অগ্নিকাণ্ডৰ ফলত প্ৰায় পাচঁ লক্ষাধিক টকাৰ সা-সামগ্ৰী বিনষ্ট হোৱা বুলি অনুমান কৰা হৈছে। পৰৱৰ্তী সময়ত দুখন অগ্নিনিৰ্বাপক বাহিনীৰ বাহন ঘটনাস্থলীত উপস্থিত হৈ অগ্নি নিৰ্বাপন কৰে। অৱশ্যে অগ্নিকাণ্ডৰ কাৰণ এইপৰ্যন্ত জানিব পৰা হোৱা নাই যদিও বৈদ্যুতিক চৰ্ট চাৰ্কিটৰ ফলত এই অগ্নিকাণ্ডৰ সূত্ৰপাত হোৱা বুলি প্ৰাথমিকভাৱে অনুমান কৰা হৈছে ৷

লগতে পঢ়ক - গোলাঘাটৰ সৰুপথাৰত শূন্যলৈ গুলিচালনা আৰক্ষীৰ