দেশজুৰি লক ডাউনঃ ৰাজ্যৰ উজনীৰ পৰা নামনিলৈ প্ৰভাৱ সৰ্বাত্মক

17:05 March 25

ডুমডুমা, শিৱসাগৰ আৰু ডিব্ৰুগড়ত চেনিটাইটেজেশ্যন

ডুমডুমা, 25 মাৰ্চঃ 21 দিনলৈ ঘোষিত লক ডাউনৰ সময়ত ডুমডুমা নগৰৰ কেইবাটাও অঞ্চল অগ্নি নিৰ্বাপক বাহিনীৰ সহযোগত ছেনিটাইজ কৰে ৷ ডুমডুমা আৰক্ষী থানাৰ চৌহদৰ লগতে নিয়মীয়া বজাৰ, আজাদ ৰোড, কলিয়াপানী আদি অঞ্চলত অগ্নি নিৰ্বাপক বাহিনীক লোকসকলে ছেনিটাইজ কৰে ৷ অগ্নি নিৰ্বাপক বাহিনীয়ে নগৰখনত কাইলৈ পুণৰ ছেনিটাইজ কৰা হ'ব বুলিও জনায় ৷

ডিব্ৰুগড়ঃডিব্ৰুগড়ৰ বিভিন্ন ঠাইত বৰ্তমান বহিঃ ৰাজ্যৰ লোক প্ৰৱেশ কৰা বুলি এক তথ্য পোহৰলৈ আহিছে ৷ যাৰ বাবে যথেষ্ট শংকিত হৈ পৰিছে স্থানীয় লোকসকল ৷ ডিব্ৰুগড়ত জিলা প্ৰশাসন, পৌৰসভা আৰু এনজিঅ আশীৰ্বাদৰ সহযোগিতাত আজি চহৰৰ বিভিন্ন অঞ্চল চেনিটাইজ কৰা হয় ৷  

শিৱসাগৰঃ একেদৰে আজি শিৱসাগৰ জিলা প্ৰশাসনৰ উদ্যোগতো ৰাজহুৱা স্থান পৰিস্কাৰ অভিযান আৰম্ভ কৰিছে ৷ শিৱসাগৰ ৰাজহ চক্ৰ এলেকাত এনে পৰিস্কাৰ কাৰ্যসূচী ৰূপায়ণৰ বাবে জিলা উপায়ুক্তই বিভিন্ন টাস্কফৰ্চ গঠন কৰি দিছে ৷ বিভিন্ন বিভাগৰ দ্বাৰ গঠিত এনে টাস্কফৰ্চ সমূহে পৰিস্কাৰ কাৰ্যসূচী ৰূপায়ণৰ লগতে বিজানুনাশক ব্যৱস্থাও গ্ৰহণ কৰিছে ৷  

16:38 March 25

এম্বুলেন্স চালকৰ ৰূপত খুমটাইৰ বিধায়ক মৃণাল শইকীয়া

গোলাঘাট, 25 মাৰ্চঃখুমটাইৰ বিধায়ক মৃণাল শইকীয়াই বানপানীৰ সময়ত বানাক্ৰান্তক উদ্ধাৰ কৰা, খাদ্য সামগ্ৰী যোগান ধৰিবলৈ ব্যৱহাৰ কৰা বাহন এইবাৰ এম্বুলেন্সৰ ৰূপত । বিধায়ক মৃণাল শইকীয়াই নিজেই চলাইছে কৰিছে এম্বুলেন্স খন ৷ কৰ'ণা ভাইৰাছত আক্ৰান্তৰ সন্দেহত স্বাস্থ্য পৰীক্ষা কৰিবলৈ চিকিৎসালয় লৈ অনা আৰু চিকিৎসালয়ৰ পৰা নি ঘৰত ৰখাৰ দৰে কাৰ্য পৰিচালনা কৰিছে মৃণাল শইকীয়াৰ এম্বুলেন্সে ৷ বুধবাৰে বিধায়ক মৃণাল শইকীয়াই শ্বহীদ কুশল কোঁৱৰ অসামৰিক চিকিৎসালয়ৰ পৰা আৰম্ভ কৰে এই এম্বুলেন্স সেৱা ৷

16:14 March 25

কামপুৰৰ পূৱ তেতেলিসৰা গাঁৱত ব্যতিক্ৰমী পদক্ষেপেৰে লক ডাউন

কামপুৰ, 25 মাৰ্চঃপ্ৰধানমন্ত্ৰীৰ লক ডাউনৰ আহ্বানৰ প্ৰতি সঁহাৰি জনালে কামপুৰৰ এখন গাঁৱে ৷ কামপুৰৰ পূৱ তেতেলিসৰা গাঁৱৰ ৰাইজে গাঁৱৰ প্ৰৱেশ পথত আঁৰিলে গাঁও বন্ধৰ ফলক ৷ জৰুৰীকালীন সেৱাৰ বাহিৰে অন্য লোকৰ প্ৰৱেশ নিষিদ্ধ কৰিলে গাঁওখনত ৷ গাঁৱৰ প্ৰৱেশ পথত ৰাখিছে পানী আৰু চাবোন ৷ হাত ধুইহে গাঁৱত প্ৰৱেশ কৰিব পৰাৰ ব্যৱস্থা গ্ৰহণ কৰিছে গাঁওবা

15:40 March 25

ধুবুৰীত লক ডাউনৰ প্ৰভাৱ

ধুবুৰী, 25 মাৰ্চঃ মহামাৰী কৰ'ণা ভাইৰাছ প্ৰতিৰোধৰ বাবে  প্ৰধান মন্ত্ৰীয়ে ঘোষণা কৰা 21ম দিনীয়া লক ডাউনৰ প্ৰতি সঁহাৰি জনাইছে ধুবুৰী বাসীয়ে ৷ লক ডাউনৰ সময়ত ধুবুৰীত সম্পূৰ্ণৰূপে স্তব্ধ হৈ পৰিছে জনজীৱন ৷