ধুবুৰী,14 জুলাইঃ ৰাজ্যৰ ভিন্ন প্ৰান্তৰ লগতে ধুবুৰী জিলাতো ক্ৰমাৎ ভয়াৱহ ৰূপ ধাৰণ কৰিবলৈ আৰম্ভ কৰিছে মহামাৰী জাপানীজ এনকেফেলাইটিছ ৰোগে । ধুবুৰীৰ বিলাসীপাৰা পশ্চিম সমষ্টিৰ কাউনবাৰী গাঁৱৰ আব্দুল জলিলৰ আঠ বছৰীয়া কন্যা তথা তৃতীয় শ্ৰেণীত অধ্যয়নৰত জুলেখা খাতুন । জুলেখা খাতুন নামৰ শিশুটি আক্ৰান্ত হৈছে মাৰাত্মক এনকেফেলাইটিছ ৰোগত । যোৱা প্ৰায় তিনি সপ্তাহ পূৰ্বে জাপানীজ এনকেফেলাইটিছ ৰোগত আক্ৰান্ত হোৱা শিশুটিক প্ৰথমে ধুবুৰী অসামৰিক চিকিৎসালয়ত ভৰ্তি কৰাইছিল যদিও উন্নত চিকিৎসাৰ বাবে চিকিৎসকে প্ৰেৰণ কৰিছিল গুৱাহাটী চিকিৎসা মহাবিদ্যালয়লৈ । গুৱাহাটী চিকিৎসা মহাবিদ্যালয়ত দুসপ্তাহ চিকিৎসা গ্ৰহণৰ পিছত অৰ্থৰ অভাৱত ঘৰলৈ উভতি আহে অসহায় পিতৃ মাতৃ।
আমছুৰ প্ৰচেষ্টাত কবিৰাজৰ কবলৰ পৰা উদ্ধাৰ জাপানীজ এনকেফেলাইটিছত আক্ৰান্ত শিশু ইপিনে শিশুটিক ঘৰলৈ অনাৰ পিছত যোৱা তিনিদিনে বিলাসীপাৰাৰ চুৱাপাতা গাঁৱৰ এজন কবিৰাজৰ ওচৰ চাপিছিল অসহায় পৰিয়ালটো । এই খবৰ লাভ কৰে সাংবাদিকৰ লগতে আমছুৱে । পিছত আমছুৰ কেন্দ্ৰীয় সমিতিৰ সাংগঠনিক সম্পাদক দিলোৱাৰ হুছেইনৰ প্ৰচেষ্টাত প্ৰায় বাৰ ঘন্টা সময় কষ্ট কৰি শিশুটিক কবিৰাজৰ কবলৰ পৰা উদ্ধাৰ কৰিবলৈ সক্ষম হয় । ইপিনে আমছু নেতা গৰাকীয়ে অসহায় পিতৃ মাতৃ সহ শিশুটিক ধুবুৰী অসামৰিক চিকিৎসালয়ত পুনৰবাৰ ভৰ্তি কৰে । জৰুৰীকালীন অৱস্থাত চিকিৎসকে চোৱাচিতাৰ পিছত শিশুটিক ভৰ্তি কৰায় চিকিৎসকে । চিকিৎসকৰ মতে শিশুটি বৰ্তমান সংকটজনক অৱস্থাত আছে । আনহাতে এই ৰোগৰ চিকিৎসা সম্পূৰ্ণ বিনামূলীয়া হয় বুলি উল্লেখ কৰে চিকিৎসক ৰফিকুল ইছলামে।উল্লেখযোগ্য যে, এই মুহূৰ্তলৈকে ধুবুৰী জিলাত দুজনকৈ লোক এই ৰোগত আক্ৰান্ত হৈ মৃত্যু মুখত পৰিছে। লগতে আন কেইবাজনো আক্ৰান্ত হৈ আছে যদিও এই ক্ষেত্ৰত জিলা খনৰ স্বাস্থ্য বিভাগৰ ফালৰ পৰা কোনো ব্যৱস্থা গ্ৰহণ নকৰাৰ অভিযোগ স্থানীয় ৰাইজৰ ৷
লগতে পঢ়কঃ হাতীমূৰা-কুকুৰাকটা মথাউৰি পৰিদৰ্শন মন্ত্ৰী কেশৱ মহন্তৰ
